سابق کپتان محمد حفیظ نے حیدر علی کی خراب کارکردگی کے بعد ان کی بیٹنگ تکنیک پر تشویش کا اظہار کیا ہے۔

پاکستان کرکٹ ٹیم کے سابق کپتان محمد حفیظ نے سماجی رابطے کی ویب سائٹ پر ایک ویڈیو شیئر کی ہے جس میں انہوں نے چار نکات پر زور دیا ہے۔

To whom it may concern ….
1- Technique improvement
2- Tactical growth
3- Fitness standards
4- Enhancement of skills
above mention 4 ingredients r very important to play at international level for longer period of time. My advise to all youngsters with best wishes 👍🏼 pic.twitter.com/LqMKBnJVGt

— Mohammad Hafeez (@MHafeez22) October 25, 2022

محمد حفیظ کے چار نکات میں تکنیک میں بہتری، حکمت عملی میں اضافہ، فٹنس کے معیارات اور مہارتوں میں اضافہ شامل ہیں جب کہ اس ویڈٰیو میں انہوں نے تمام نوجوان بلے بازوں کو مشورے دیے ہیں۔

محمد حفیظ نے ویڈیو شیئر کرتے ہوئے لکھا کہ ’بین الاقوامی سطح پر طویل مدت تک کھیلنے کے لیے یہ چار نکات ضروری ہیں‘۔

محمد حفیظ کا اپنی ویڈیو میں حیدر علی کی تکنیک سے متعلق کہنا تھا کہ 22 سالہ نوجوان ابھی تک نہیں بدلے، جب ہم نیوزی لینڈ میں تھے تو حیدر علی کو اس سیریز میں بطور اوپنر شامل کیا گیا تھا۔

سابق کپتان کہتے ہیں کہ نیوزی لینڈ کے خلاف میچ میں حیدر علی نے ایک گیند پر اپنی دونوں ٹانگیں کھول کر لیگ سائیڈ پر شاٹ کھیلا جس پر ایک کوچ نے تالیاں بھی بجائیں تو میں نے ان سے ہوچھا کہ، کیا یہ ایک اچھا شاٹ ہے؟

حیدر علی کو مشورہ دیتے ہوئے ان کا کہنا تھا کہ ’انہیں اپنے انداز میں تبدیلی لانے کی ضرورت ہے جب کہ انہوں نے نیوزی لینڈ کے دورے کے بعد سے کوئی تبدیلی نہیں کی ہے‘۔

انہوں نے کہا کہ ’اگر حیدر علی پاکستان کے لیے کھیلنا جاری رکھنا چاہتے ہیں تو انہیں مناسب شاٹس کھیلنا چاہیے اور اسی مطابق اپنی کاکردگی کو ایڈجسٹ کرنا چاہیے‘۔

واضح رہے کہ ٹی ٹوئنٹی ورلڈ کپ میں بھارت کے خلاف جب افتخار احمد آؤٹ ہوئے تو حیدر علی کو بیٹنگ کے لیے بھیجا گیا لیکن انہوں نے غیر ضروری شاٹ کھیل کر اپنی وکٹ گنوا دی تھی جب کہ دو وکٹیں ایک ساتھ گرنے کی وجہ سے پاکستان کے اسکور کی رفتار بھی رک گئی تھی۔