ساتویں ٹی ٹوئنٹی میچ میں خوشدل شاہ کے آؤٹ ہونے پر صارفین نے ’پرچی پرچی‘ کے نعرے لگانا شروع کردیے۔

پاکستان اور انگلینڈ کی کرکٹ ٹیموں کے درمیان 7 ٹی ٹوئنٹی میچز پر مشتمل سیریز کھیلی گئی جس میں پاکستان کو 3-4 سے شکست کا سامنا کرنا پڑا۔

قومی ٹیم کی سیریز میں شکست پر صارفین سخت ناراض ہیں اور سوشل میڈٰیا پر تنقید کا سلسلہ جاری ہے، کوئی ٹیم کی فیلڈنگ پر اعتراض اٹھارہا ہے تو کوئی مڈل آرڈر بیٹنگ پر سوالات اٹھا رہا ہے۔

گذشتہ روز میچ کے دوران خوشدل شاہ کے آؤٹ ہونے پر شائقین نے ’پرچی پرچی‘ کے نعرے لگائے جس پر قومی کرکٹر سمیت صارفین نے افسوس کا اظہار کیا۔

قومی ٹیم کے بیٹر امام الحق نے سماجی رابطے کی سائٹ پر خوشدل شاہ کی ویڈیو شیئر کرتے ہوئے لکھا کہ ’میری کرکٹ شائقین سے درخواست ہے کہ وہ کھلاڑیوں پر آوازیں نہ کسیں‘۔

https://twitter.com/ImamUlHaq12/status/1576643134733578240?ref_src=twsrc%5Etfw%7Ctwcamp%5Etweetembed%7Ctwterm%5E1576643134733578240%7Ctwgr%5E8b37ca2fc3048dfc26c97bb3a228343a44e6ec7c%7Ctwcon%5Es1_&ref_url=https%3A%2F%2Fwww.urdunews.com%2Fnode%2F706091

انہوں نے لکھا کہ ’آوازیں کسنے سے کھلاڑیوں کی صحت پر برے اثرات پڑتے ہیں، نتیجہ کچھ بھی ہو لیکن آپ شائقین جس طرح ہمیں سپورٹ کرتے ہیں اسی طرح سپورٹ کرنے کی کوشش کریں‘۔

انہوں نے مزید لکھا کہ ’ہم آپ کے لیے اور ملک کے لیے ہی کھیلتے ہیں‘۔

علاوہ ازیں سوشل صارفین کا افسوس کا اظہار کرتے ہوئے کہنا تھا کہ ’’آپ خوشدل کی کارکردگی پر تنقید کرسکتے ہیں لیکن اس طرح ہزاروں لوگوں کا ’پرچی پرچی‘ کا نعرہ لگانا درست نہیں‘۔

You can criticise Khushdil's performance, but thousands of people shouting "parchi" at him isn't good. Very bad look for Pakistan fans.

— Haroon (@hazharoon) October 2, 2022

اس موقع پر خرم اقبال نامی صارف نے تحریک انصاف کے رہنما فواد چوہدری کی کرکٹ کھیلنے کی ویڈیو شیئر کی جس کو شیئر کرتے ہوئے ان کا کہنا تھا کہ ’آج ٹیم میں انہیں ہی کھلا لیتے کم از کم ہمیں چھکے تو دیکھنے کو ملتے‘۔

گڈ شاٹ @fawadchaudhry آج ٹیم میں انہیں ہی کھلا لیتے چھکے تو دیکھنے کو مل جاتے۔😊 pic.twitter.com/7Wl4I5uAtC

— Khurram Iqbal (@khurram143) October 2, 2022

موسیٰ ورک نامی صارف کا بھی فواد چوہدری کی ویڈیو شیئر کرتے ہوئے کہنا تھا کہ ’ہمیں فواد چوہدری جیسے مڈؒل آرڈر بلے باز کی ضرورت ہے‘۔

The Middle Order batsman we need ! @fawadchaudhry pic.twitter.com/6LVbEwKOlj

— Musa Virk (@MusaNV18) October 2, 2022