پاکستان کے فاسٹ بولر محمد عرفان جونیئر کی نیٹ سیشن میں بالنگ کی بھارتی بیٹسمین روہت شرما اور ویرات کوہلی نے تعریف کی۔

تفصیلات کے مطابق پاکستانی فاسٹ باؤلرمحمد عرفان جونیئر نے سڈنی میں اپنے نیٹ سیشن کے دوران روہت شرما اورویرات کوہلی کو متاثر کیا۔

پاکستانی تیز گیند باز نے تجربہ کار بھارتی بلے بازوں کو اپنی قدرتی لمبائی، رفتار اور اچھال سے خاصا پریشان کیا۔

عرفان جونئیر کی بالنگ پر دنیش کارتک خاص طور پر پریشان نظر آئے وہ عرفان کے باؤنس سے پریشان نظر آئے۔ پاکستانی فاسٹ بولر کی بھارتی کپتان کے ساتھ ساتھ لیجنڈری بلے باز ویرات کوہلی نے بھی خوب تعریف کی۔

محمد عرفان نے بھارتی میڈیا کو بتایا کہ میرا قد ہی میری بولنگ کی پہچان ہے اور اپنے قد کی وجہ سے میں ہر طرح کے بلے بازوں کو پریشان کرتا ہوں۔

عرفان جونئیر نے کہا کہ  جب روہت شرما اور ویرات کوہلی جیسے بیٹسمین آپ کی تعریف کرتے ہیں، تو آپ کو اس سے زیادہ کیا چاہیے۔

محمد عرفان کے مطابق میں نے اسٹیو اسمتھ کو دو بار نیٹ پر آؤٹ کیا اور وہ اچھی فارم میں نہیں تھے، چونکہ وہ میری بولنگ کی وجہ سے پریشان تھا اس لیے اس نے مجھ سے مزید بولنگ نہ کرنے کو کہا کیونکہ وہ اپنا ردھم واپس لانا چاہتے تھے۔

واضح رہے کہ محمد عرفان جونئیراس وقت نیو ساؤتھ ویلز کے ویسٹرن سبرب ڈسٹرکٹ کے لیے گریڈ کرکٹ کھیل رہے ہیں۔

محمد عرفان آسٹریلیا میں مستقل رہائش کا انتظار کر رہے ہیں، جس کے بعد وہ آسٹریلوی فرسٹ کلاس کرکٹ میں اپنا راستہ آسان کر سکیں گے۔

عرفان اپنے خاندان کو آسٹریلیا منتقل کرنے کا بھی ارادہ رکھتے ہیں۔ محمد عرفان نے 2020 نیشنل کپ کے دوران جنوبی پنجاب کے اسکواڈ کے پہلے 11 میں سے باہر ہونے کے بعد آسٹریلیا منتقل ہونے کا فیصلہ کیا تھا۔