ٹی ٹوئنٹی پلیئرز رینکنگ  میں بھارت کے سوریا کمار یادیو اور  سری لنکا کے ونندو ہسارنگا کا پہلی پوزیشن پر قبضہ برقرار ہے۔

انٹرنیشنل کرکٹ کونسل (آئی سی سی ) کی جانب سے جاری کردہ تازہ رینکنگ کے مطابق بلے بازوں کی فہرست میں سوریا کمار یادیو پہلے جبکہ پاکستان کے محمد رضوان اور بابر اعظم بالترتیب دوسری اور تیسری پوزیشن پر موجود ہیں۔

نیوزی لینڈ کے ڈیوون کونوے چوتھی، جنوبی افریقہ کے ایڈن مارکرام پانچویں، انگلینڈ کے ڈیوڈ ملان چھٹی اور جنوبی افریقہ کے ریلی روسو ساتویں پوزیشن پر موجود ہیں۔

نیوزی لینڈ کے گلین فلپس آٹھویں ، آسٹریلوی کپتان ایرون فنچ نویں اور سری لنکا کے پتھم نسانکا دسویں پوزیشن پر موجود ہیں۔

بولنگ کی فہرست میں ونندو ہسارنگا پہلی، افغانستان کے راشد خان دوسری، انگلینڈ کے عادل رشید تیسری، آسٹریلیا کے جوش ہیزل ووڈ چوتھی اور انگلینڈ کے سیم کرن پانچویں پوزیشن پر براجمان ہیں۔

جنوبی افریقہ کے تبریز شمسی، آسٹریلیا کے ایڈم زیمپا، افغانستان کے مجیب الرحمان، جنوبی افریقہ کے اینرچ نورکیا اور سری لنکا کے مہیش تھیکشانا بالترتیب چھٹی سے دسویں پوزیشن پر موجود ہیں۔

آل راؤنڈرز کی فہرست میں بنگلہ دیش کے شکیب الحسن پہلی، افغانستان کے محمد نبی دوسری  جبکہ بھارت کے ہاردک پانڈیا تیسری پوزیشن پر موجود ہیں۔

Top #T20WorldCup performers biggest gainers in the latest @MRFWorldwide ICC Men’s T20I Player Rankings.

Details 👇https://www.bolnews.com/urdu/sports/2022/11/118019/amp/

— ICC (@ICC) November 16, 2022