قومی کرکٹ ٹیم کے کپتان  بابر اعظم کا کہنا ہے کہ شاہین  شاہ آفریدی کی  انجری ہمیں  بہت مہنگی پڑی ۔

ٹی ٹوئنٹی ورلڈکپ 2022 کے فائنل میں انگلینڈ سے شکست  کے بعد پریس کانفرنس میں بابر اعظم کا کہنا تھا کہ اگر شاہین  اپنے اوورز پورے کر پاتے  تو   اس میچ کا نتیجہ  کچھ اور ہوسکتا تھا۔

انہوں نے کہا کہ ہمارے بولرز نے بہت شاندار بولنگ کی تاہم شاہین کی انجری ہمیں بہت مہنگی پڑی جو کہ میچ کا ٹرننگ پوائنٹ ثابت ہوئی۔

شاہین شاہ آفریدی نے پہلے ہی اوور میں ان فارم بیٹر ایلکس ہیلز کو کلین بولڈ کرکے ٹیم کو جیت کی  امید دلادی تھی۔

شاہین شاہ آفریدی تیرہویں اوور میں شاداب خان کی  گیند پر ہیری بروک کا کیچ لینے کے دوران زخمی ہوکر میدان سے باہر چلے گئے تھے۔

A spirited comeback with the ball, but Pakistan couldn't quite pull it off at the MCG 😕

Skipper Babar Azam explains 👇#T20WorldCuphttps://www.bolnews.com/urdu/sports/2022/11/182247/amp/

— ICC (@ICC) November 13, 2022

بعد ازاں وہ میدان میں واپس آئے اور کپتان نے انہیں ان کا تیسرا اور میچ کا سولہواں اوور کرنے کے لیے کہا تاہم وہ ایک ہی گیند کرسکے اور شدید درد کے باعث میدان سے باہر چلے گئے۔

جب شاہین آفریدی میدان سے باہر گئے تو  انگلینڈ کو 29 گیندوں پر 41 رنز درکار تھے  ۔ کپتان بابر اعظم کا ماننا ہے کہ اگر شاہین انجرڈ نہ ہوتے تو میچ کا نتیجہ مختلف ہوسکتا تھا۔

انگلینڈ نے 138 رنز کا ہدف 19 اوورز میں 5 وکٹوں کے نقصان پر حاصل کرکے دوسری بار عالمی چیمپئن بننے کا اعزاز حاصل کیا۔