ٹی ٹوئنٹی ورلڈ کپ کے سیمی فائنل میں پاکستان نے نیوزی لینڈ کو با آسانی شکست دے دی ہے۔

سڈنی کرکٹ گراؤنڈ میں پاکستان اور نیوزی لینڈ کی ٹیموں کے درمیان ٹی ٹوئنٹی ورلڈ کپ کا پہلا سیمی فائنل میچ کھیلا گیا جس میں پاکستان نے 7 وکٹوں سے کامیابی اپنے نام کی۔

اس میچ میں پاکستان کی اوپننگ جوڑی بابر اور رضوان نے دھوم مچادی اور دونوں نے 105 رنز کی اوپننگ شراکت قائم کی۔ بابر اعظم 53 اور محمد رضوان 57 رنز بناکر آؤٹ ہوئے۔

بہترین کارکردگی دکھانے پر جہاں متعدد شخصیات بابر اور رضوان کو سراہ رہے ہیں وہی بھارتی کھلاڑیوں نے بھی بابر اور رضوان کے تعریفوں کے پل باندھ دیے ہیں۔

سابق بھارتی بولر عرفان پٹھان کا سماجی رابطے کی سائٹ پر ٹوئٹ کرتے ہوئے کہنا تھا کہ ’رضوان اور بابر اپنی ٹیم کے لیے صحیح وقت پر پرفارم کررہے ہیں‘۔

Advertisement

Rizwan and Babar coming to the party at the right time for their team.

— Irfan Pathan (@IrfanPathan) November 9, 2022

واضح رہے کہ ٹی ٹوئنٹی ورلڈکپ کے سیمی فائنل میں نیوزی لینڈ نے پاکستان کو جیت کے لیے 153 رنز کا ہدف دیا تھا جس کو پاکستان نے آخری اوور میں پورا کرلیا تھا۔