پاکستانی آل راؤنڈر افتخار احمد نے ابوظہبی ٹی ٹین لیگ 2022 کے لیے بنگلا ٹائیگرز کو جوائن کر لیا ہے۔

ابو ظہبی ٹی ٹین لیگ کے چھٹے ایڈیشن کی میزبانی شیخ زید کرکٹ اسٹیڈیم کرے گا جب کہ لیگ کے میچز 23 نومبر سے 4 دسمبر تک کھیلے جائیں گے۔

لیگ کی فرنچائز بنگلا ٹائیگرز کی جانب سے اعلان سامنے آیا ہے کہ پاکستانی بلے باز افتخار احمد نے انہیں چھٹے ایڈیشن کے لیے جوائن کرلیا ہے۔

🚨 ANNOUNCEMENT 🚨

A splendid hitter, an useful bowler and with all his experience, Pakistan all-rounder Iftikhar Ahmed is coming to join Bangla Tigers. 🐯☑️#BanglaTigers #AbudhabiT10 #LetsGoHunt @IftiAhmed221 pic.twitter.com/fpv8VRrzMQ

Advertisement

— Bangla Tigers (@BanglaTigers_ae) November 17, 2022

انہوں نے لکھا کہ ’ایک شاندار ہٹر اور ایک کار آمد بولر اپنے تجربے کے ساتھ پاکستانی آل راؤنڈر افتخار احمد بنگلا ٹائیگرز میں شامل ہونے جارہے ہیں‘۔

پاکستان کے سابق فاسٹ بولر محمد عامر بھی اسی ٹیم کا حصہ ہیں جنہیں فرنچائز نے گذشتہ سال سے برقرار رکھا ہے۔ علاوہ ازیں شکیب الحسن، ایون لیوس، کولن منرو، حضرت اللہ ززئی، جوئے کلارک، بینی ہوول اور بین کٹنگ بھی اس ٹیم کا حصہ ہیں۔

واضح رہے کہ ٹی ٹین لیگ میں ٹیموں نے ستمبر میں ہونے والے ڈرافٹ میں پانچ پاکستانیوں کھلاڑیوں کا انتخاب کیا تھا جس میں عماد وسیم، وہاب ریاض، اعظم خان، عماد بٹ اور محمد عرفان شامل ہیں۔

لیگ میں عماد وسیم دہلی بلز کیا جانب سے کھیلیں گے جب کہ وہاب ریاض اور اعظم خان نیویارک اسٹرائیکرز کی نمائندگی کریں گے۔

ابوظہبی کی ٹیم نے عماد بٹ کو پک کیا ہے جب کہ محمد عرفان ناردرن واریئرز کی نمائندگی کرتے نظر آئیں گے۔