پی ایس ایل 8؛ ڈرافٹنگ کے لیے غیر ملکی کھلاڑیوں کی رجسٹریشن کا آغاز
پاکستان سپر لیگ سیزن 8 کی ڈرافٹنگ کے لئے غیر ملکی کھلاڑیوں کی رجسٹریشن کا آغاز ہوگیا ہے۔
تفصیلات کے مطابق جنوبی افریقہ کے اسٹار کھلاڑی ڈیوڈ ملر نے پی ایس ایل 8 کی ڈرافٹنگ کے لیے رجسٹریشن کروا لی ہے جب کہ سری لنکن کرکٹر وینندو ہسارانگا نے بھی پی ایس ایل کے لیے رجسٹریشن کروادی ہے۔
ڈیوڈ ملر کے 110 میچز میں 34.91 کی ایوریج کے ساتھ 2130 رنز ہیں جب کہ وینندو ہسارانگا کے 51 میچز میں 84 وکٹیں ہیں۔
یہ بھی پڑھیں: پی ایس ایل 8: پلیئر ڈرافٹنگ کو حتمی شکل دے دی گئی
اطلاعات ہیں کہ پی ایس ایل کی ڈرافٹنگ کے لیے جلڈ بڑے نام رجسٹریشن کروائیں گے۔
واضح رہے کہ پی ایس ایل 8 کا آغاز 15 فروری سے ہوگا جب کہ ڈرافٹنگ 18 سے 22 نومبر کے درمیان کروائے جانے کا امکان ہے۔
دوسری جانب پی ایس ایل 8 کے لیے پلیئر ڈرافٹنگ کو حتمی شکل دے دی گئی ہے جس کا فیصلہ قرعہ اندازی کے ذریعے کیا گیا ہے۔
فیصلہ ہوا ہے کہ لاہور قلندرز پلیئر ڈرافٹنگ میں کھلاڑیوں کا پہلا انتخاب کرے گی جب کہ دوسرے نمبر پر کوئٹہ گلیڈی ایٹرز اور تیسرے نمبر پر ملتان سلطانز کھلاڑیوں کو منتخب کریں گے۔
چوتھے نمبر پر کراچی کنگز اور پانچویں نمبر ملتان سلطانز کھلاڑیوں کا انتخاب کریں گے جب کہ چھٹے نمبر پر پشاور زلمی کی باری آئے گی۔
یاد رہے کہ پی ایس ایل 8 کے لیے 17 میچز کا فیصلہ ایک خصوصی شماریاتی ٹول کے ذریعے کیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News