باکسنگ میں تھائی لینڈ سے پاکستان  کے لیے بڑی خوشخبری سامنے آئی ہے۔

تفصیلات کے مطابق پاکستانی باکسر محمد شعیب خان نے تھائی لینڈ میں پروفیشنل اے بی ایف ایشین ٹائٹل فائٹ جیت لی۔

پاکستانی باکسر محمد شعیب نے انڈونیشین حریف باکسر کو شکست دی۔  قومی باکسر محمد شعیب خان تمام دس راؤنڈز میں ناقابل شکست رہے۔

قومی باکسر شعیب خان کے 117 پوائنٹس اور انڈونیشین باکسر کے 57 پوائنٹس رہے۔

’کولیسٹ  بوائے‘ کے نام سے مشہور قومی باکسر محمد شعیب خان کی یہ لگاتار تیسری کامیابی ہے۔

 قومی باکسر محمد شعیب خان نے اپنی جیت پاکستانی قوم کے نام  کرتے ہوئے کہا کہ  ہمیشہ میرا خواب رہا ہے  کہ پوری دنیا میں سبز ہلالی پرچم بلند کروں۔