انگلینڈ ٹیسٹ ٹیم کے کپتان بین اسٹوکس  نے دورہ پاکستان کے موقع پر بڑا اعلان کردیا۔

سماجی رابطے کی ویب سائٹ ٹوئیٹر پر جاری پیغام میں بین اسٹوکس نے ٹیسٹ سیریز کی اپنی میچ فیس پاکستان  کے سیلاب متاثرین کے نام  کرنے کا اعلان کیا ۔

بین اسٹوکس کا کہنا ہے کہ پاکستان میں سیلاب  کی تباہ کاریاں دیکھ کر بہت دکھ ہوا، سیلاب سے پاکستان میں نقصانات کے اثرات مرتب ہوئے، یہی سمجھتا ہوں کرکٹ سے بالاتر ہو کر کچھ واپس کر سکوں ۔

انہوں نے کہا کہ ٹیسٹ سیریز سے اپنی میچ فیس پاکستان کے سیلاب متاثرین کو عطیہ کروں گا۔

انگلش کپتان کا مزید کہنا ہے کہ پہلی مرتبہ پاکستان آکر بہت اچھا لگ رہا ہے۔ 17 سال بعد پاکستان میں ٹیسٹ اسکواڈ کا حصہ ہونے پر بہت پرجوش ہوں۔

بین اسٹوکس نے کہا کہ  کھیلنے اور سپورٹ گروپ کے درمیان ذمہ داری کا احساس ہے اور یہاں ہونا خاص بات ہے۔

You can donate here: https://www.bolnews.com/urdu/sports/2022/11/977275/amp/

— Ben Stokes (@benstokes38) November 28, 2022

واضح رہے کہ انگلینڈ کی ٹیسٹ ٹیم 17 سال بعد پاکستان کے دورے پر آئی ہے۔دونوں ٹیموں کے درمیان تین ٹیسٹ میچز کی سیریز کا پہلا میچ یکم دسمبر سے راولپنڈی میں کھیلا جائے گا۔