نیوزی لینڈ کرکٹ کے تاریخی دورہ پاکستان میں کیوی اسکواڈ میں شامل اش سودھی نے خود سے متعلق اہم انکشاف کیا ہے۔

تفصیلات کے مطابق میچ سے قبل میڈیا سے گفتگو کے دوران نیوزی لینڈ کے لیگ اسپن  بولر اش سودھی نے  دعویٰ کیا کہ وہ آدھے پاکستانی ہیں۔

انہوں نے پاکستان آنے پر خوشی کا اظہار کرتے ہوئے کہا کہ یہاں ان کے آباؤ اجداد کی پیدائش ہوئی تھی۔

مزید پڑھیں:نیوزی لینڈ کرکٹ ٹیم 32 سال بعد کراچی میں ٹیسٹ میچ کھیلے گی

اش سودھی نے کہا کہ  میری دادی اور نانی دونوں پاکستانی ہیں اور ہمارا تعلق پاکستانی پنجاب سے ہے لیکن تقسیم ہند کے وقت ہم لدھیانہ چلے گئے تھے اور  وہاں سے فیملی کے  ہمراہ نیوزی لینڈ منتقل ہوگئے تھے۔

انہوں نے مزید کہا کہ  وہ اپنی پنجابی زبان بولنے کی صلاحیت کو بہتر بنانے کی کوشش کر رہے ہیں اور ان  کا والد کے ساتھ  پاکستان آکر اپنے رشتے داروں سے ملنے کا ارادہ بھی ہے۔

اش سودھی نے کہا کہ میری ایک ڈھائی سال کی بیٹی ہے جسے پنجابی سکھانا چاہتا ہوں۔

مزید پڑھیں:نیوزی لینڈ کے ہیڈ کوچ نے پاکستان سے سیریز کو چیلنجنگ قرار دے دیا

واضح رہے کہ نیوزی لینڈ کرکٹ ٹیم  پاکستان کے خلاف 32 سال بعد کراچی میں ٹیسٹ میچ کھیلے گی۔

آخری مرتبہ پاکستان اور نیوزی لینڈ کا کراچی میں ٹیسٹ میچ اکتوبر 1990 میں ہوا تھا جس میں جاوید میانداد کی کپتانی میں پاکستان نے   ایک اننگ اور 43 رنز  سے فتح حاصل کی تھی۔