قومی کرکٹ ٹیم کے کپتان بابر اعظم مسلسل دوسری بار آئی سی سی مینز ون ڈے کرکٹر آف دی ائیر  کے لیے نامزد ہوگئے۔

تفصیلات کے مطابق انٹرنیشنل کرکٹ کونسل(آئی سی سی) نے مینز ون ڈے کرکٹر آف دی ائیر کی نامزدگیوں کا اعلان کردیا۔

https://twitter.com/ICC/status/1608395545021751297

نامزد کیے جانے والے کھلاڑیوں میں پاکستان کے بابر اعظم، آسٹریلیا کے ایڈم زیمپا، زمبابوے کے سکندر رضا اور ویسٹ انڈیز کے شائے ہوپ شامل ہیں۔

مزید پڑھیں: محمد رضوان آئی سی سی مینز ٹی ٹوئنٹی کرکٹر آف دی ائیر کیلئے نامزد

بابر اعظم نے رواں برس  بھی ون ڈے کرکٹ میں 2021 والی کارکردگی برقرار رکھی اور 9 میچز میں 84.87 کی اوسط سے 679 رنز بنائے۔

بابر اعظم نے رواں برس ون ڈے کرکٹ میں 3 سنچریز اور 5 نصف سنچریز اسکور کیں  اور وہ سال کا اختتام ون ڈے رینکنگ میں پہلی پوزیشن پر کریں گے۔

مزید پڑھیں:وزڈن ٹی ٹوئنٹی ٹیم آف دی ایئر کا اعلان، 3 پاکستانی کھلاڑی شامل

پاکستان ون ڈے ٹیم کے کپتان کی حیثیت سے بابر اعظم کے لیے یہ ایک یادگار سال تھا۔ انہوں نے رواں برس تین سیریز کھیلیں اور تینوں میں ہی فتح حاصل کی۔

 پاکستان کو رواں برس ون ڈے فارمیٹ میں 9 میں سے صرف ایک میچ  میں آسٹریلیا کے خلاف شکست ہوئی۔

بابر اعظم آئی سی سی مینز ون ڈے کرکٹر آف دی ائیر کیلئے نامزد