انٹرنیشنل کرکٹ کونسل (آئی سی سی) نے ٹیسٹ رینکنگ جاری کردی ہے جب کہ قومی ٹیم کے کپتان بابر اعظم ایک درجہ تنزلی کا شکار ہوگئے ہیں۔

آئی سی سی ٹیسٹ رینکنگ میں آسٹریلیا کے مارنس لبوشین کی پہلی پوزیشن برقرار ہے، آسٹریلیا کے ہی اسٹیو اسمتھ دو درجے ترقی کے ساتھ دوسرے نمبر پر آگئے ہیں۔

قومی ٹیم کے کپتان بابر اعظم ایک درجے تنزلی کے ساتھ تیسرے نمبر پر چلے گئے ہیں جب کہ انگلینڈ کے جو روٹ ایک درجے تنزلی کے بعد چوتھے نمبر پر چلے گئے ہیں۔

قومی بلے باز عبداللہ شفیق کی تین درجے تنزلی ہوئی ہے اور وہ 18 ویں نمبر پر آگئے ہیں جب کہ محمد رضوان چار درجے تنزلی کے بعد 21 ویں نمبر پر چلے گئے ہیں۔

نوجوان بلے باز سعود شکیل نے ٹیسٹ رینکنگ میں لمبی چھلانگ لگائی ہے اور وہ 32 درجے ترقی کے بعد 61 ویں نمبر پر آگئے ہیں۔