انگلش ٹیم کے کپتان بین اسٹوکس کا کہنا ہے کہ پاکستان  ٹیم کو اس کی سرزمین پر ہرانا آسان نہیں تھا۔

پاکستان ٹیم کو اس کی سرزمین پر ٹیسٹ سیریز میں وائٹ واش کرنے والی واحد ٹیم کے کپتان بین اسٹوکس نے فتح کے بعد پریس کانفرنس کے دوران کہا کہ جیت پر خوشی ہے، پاکستان کے خلاف بڑی کامیابی حاصل کی ہے۔

England captain Ben Stokes' press conference at the end of the #PAKvENG Test series.#UKSePK https://www.bolnews.com/urdu/sports/2022/12/297611/amp/

— Pakistan Cricket (@TheRealPCB) December 20, 2022

بین اسٹوکس نے کہا کہ سیریز میں جارحانہ حکمت عملی اختیار کی جس کا نتیجہ شاندار رہا۔

مزید پڑھیں: کراچی ٹیسٹ: انگلینڈ کی فتح، پاکستان ہوم ٹیسٹ سیریز میں پہلی مرتبہ وائٹ واش

انہوں نے مزید کہا کہ  پاکستان کو اس کی سرزمین پر ہرانا آسان نہیں تھا لیکن  کھلاڑیوں نے زبردست کھیل پیش کیا۔

’ریحان احمد پریشر میں کھیلنے کی صلاحیت رکھتے ہیں‘

انگلش کپتان نے کہا کہ ریحان احمد نے اپنے ڈیبیو  پہ شاندار بولنگ  کا مظاہرہ کیا، وہ پریشر میں کھیلنے کی صلاحیت رکھتے ہیں۔

بین اسٹوکس نے کہا کہ   امید ہے وہ اسی طرح پرفارم کرے گا اور انگلینڈ کو مزید میچز جتوائےگا۔

مزید پڑھیں: انگلینڈ کے کم عمر ڈیبیوٹنٹ نے اہم اعزاز اپنے نام کرلیا

انہوں نے مزید کہا  ہیری بروک نے اس سیریز میں کافی رنز بنائے، انہیں کھیلتا دیکھ کر اچھا لگتا ہے۔

واضح رہے کہ پاکستان کی 71 سالہ ٹیسٹ تاریخ  میں انگلینڈ پہلی  ٹیم ہے جس نے پاکستان کو ہوم ٹیسٹ سیریز میں وائٹ واش شکست دی ہے۔