فاسٹ بولر حارث رؤف ٹانگ میں کھنچاؤ کے باعث انگلینڈ کے خلاف پنڈی ٹیسٹ کے دوسرے روز بولنگ کے لیے میدان میں نہیں اتر سکے تھے۔

قومی ٹیم کے فاسٹ بولر حارث رؤف انگلینڈ کے خلاف پنڈی ٹیسٹ کے پہلے روز فیلڈنگ کرتے ہوئے گیند پر سے پھسل گئے تھے جس کے بعد انہیں ٹانگ کی دائیں جانب کھنچاؤ محسوس ہو رہا ہے۔

ٹانگ میں کھنچاؤ کے باعث ہی حارث رؤف پنڈی ٹیسٹ کے دوسرے روز بولنگ کے لیے میدان میں نہیں اتر سکے تھے تاہم اب ان کی صحت کے حوالے سے ٹیم کے میڈیا مینجر کا بیان سامنے آگیا ہے۔

انہوں نے مزید کہا کہ ’حارث رؤف کا ایم آر آئی ٹیسٹ تسلی کے لیے کروایا گیا ہے جب کہ وہ کھیلنے کے لیے تیار ہیں‘۔

واضح رہے کہ پاکستان اور انگلینڈ کی ٹیموں کے درمیان راولپنڈی کرکٹ اسٹیڈیم میں پہلا ٹیسٹ میچ جاری ہے جس کے دو دن کا کھیل مکمل ہوچکا ہے۔

انگلینڈ نے پہلی اننگز میں 657 رنز کا پہاڑ کھڑا کیا ہے جس کے جواب میں پاکستان کی بیٹنگ جاری ہے جب کہ پاکستان نے بغیر کوئی وکٹ گنوائے 181 رنز اسکور کرلیے ہیں۔

پاکستان کی جانب سے اوپنر عداللہ شفیق 89 اور امام الحق 90 رنز بناکر کریز پر موجود ہیں۔