سال 2022میں گوگل پر سب سے زیادہ سرچ کی جانے والی شخصیت میں پاکستانی کھلاڑی سر فہرست ہیں۔

گوگل نے 2022 کے لیے پاکستان میں سب سے زیادہ سرچ کی جانے والی شخصیات کی فہرست جاری کی ہے جس میں پاکستانی کھلاڑی نسیم شاہ سر فہرست ہیں۔

گوگل نے مجموعی طور پر 6 مختلف کیٹیگریز میں پاکستانیوں کی پسندیدہ سرچز کی فہرست جاری کی ہے۔

گوگل کے مطابق سال 2022 میں پاکستانیوں نے سرچ انجن پر سیاست، مشہور شخصیات، سرکاری اقدامات، اہم تقریبات، تفریح، ٹیکنالوجی اور خوراک کو سرچ کیا۔

رواں سال ٹی ٹوئنٹی ورلڈکپ، ایشیا کپ 2022 اور پی ایس ایل 7 سمیت کرکٹ کے حوالے سے زیادہ سرچ کیا گیا جب کہ یہ تینوں موضوعات ٹاپ سرچز میں سب سے اوپر بھی رہے۔

پاکستان میں سب سے زیادہ گوگل کی جانے والی شخصیات کی فہرست میں کرکٹرز کا غلبہ ہے جب کہ اس فہرست میں 19 سالہ فاسٹ بولر نسیم شاہ سرفہرست ہیں۔

رواں سال نسیم شاہ افغانستان کے خلاف اپنے شاندار چھکوں اور ایشیا کپ 2022 میں بھارت کے خلاف سنسنی خیز بولنگ کی وجہ سے سرخیوں میں رہے۔

علاوہ ازیں کرکٹر افتخار احمد کا اس فہرست میں چوتھا نمبر رہا جب کہ محمد رضوان پانچویں، شاداب خان ساتویں اور اظہر علی نویں نمبر پر رہے۔