پی سی بی نے پاکستان ویمنز کرکٹ ٹیم کے ہیڈ کوچ کے لیے مارک کولز سے رابطہ کرلیا ہے۔

ذرائع کے مطابق پاکستان ویمنز کرکٹ ٹیم کے ہیڈ کوچ کے لیے مارک کولز سے رابطہ کیا گیا ہے جب کہ رابطہ پاکستان کرکٹ بورڈ کی مینجمنٹ کمیٹی نے چارج سنبھالنے کے بعد کیا ہے۔

ذرائع کا کہنا ہے کہ کہ مینجمنٹ کمیٹی مارک کولز کو ویمنز ٹیم کا کوچ بنانے کی خواہش مند ہے جب کہ مارک کولز اس سے قبل بھی ویمن ٹیم کے ہیڈ کوچ رہ چکے ہیں۔

واضح رہے کہ اس وقت ویمنز ٹیم کے عبوری ہیڈ کوچ سلیم جعفر ہیں، رمیز راجہ کے دور میں پی سی بی نے ویمن ٹیم کے ہیڈ کوچ کے لیے بھی اشتہار دیا تھا۔

دوسری جانب پاکستان مینز ٹیم کے کوچ کے لیے مکی آرتھر سے بھی رابطہ کیا جاچکا ہے جب کہ مکی آرتھر سے بات چیت خود چیئرمین مینجمنٹ کمیٹی نجم سیٹھی نے کی تھی۔