پاکستان نے نیوزی لینڈ کے خلاف دو ٹیسٹ میچز کی سیریز کے لیے 16 کھلاڑیوں پر مشتمل اسکواڈ کا اعلان کردیا ہے۔

پاکستان اور نیوزی لینڈ کی ٹیموں کے درمیان 26 دسمبر سے کراچی کے نیشنل بینک کرکٹ  ایرینا میں ٹیسٹ سیریز کا آغاز ہونے جارہا ہے۔

اس سیریز کے لیے پاکستان نے 16 رکنی قومی اسکواڈ کا اعلان کیا ہے جس میں مڈل آرڈر بلے باز کامران غلام اور فاسٹ بولر حسن علی کو شامل کیا گیا ہے۔

Pakistan squad announced for the two-match Test series against New Zealand 📢

Advertisement

More details ➡️ https://www.bolnews.com/urdu/sports/2022/12/370605/amp/#PAKvNZ pic.twitter.com/vc8uwEyypw

— Pakistan Cricket (@TheRealPCB) December 21, 2022

کامران غلام کو حال ہی میں ریٹائرمنٹ کا اعلان کرنے والے اظہر علی کی جگہ ٹیم میں شامل کیا گیا ہے جب کہ حسن علی نے محمد علی کی جگہ لی ہے۔

پنڈی ٹیسٹ میں انجرڈ ہونے والے حارث رؤف کو قومی اسکواڈ میں شامل نہیں کیا گیا ہے کیونکہ وہ ابھی انجری سے صحتیاب ہورہے ہیں۔

کندھے کی تکلیف کی وجہ سے ملتان اور کراچی ٹیسٹ سے باہر ہونے والے فاسٹ بولر نسیم شاہ کو فٹ قرار دیا جا رہا ہے اور انہیں اسکواڈ میں برقرار رکھا گیا ہے۔

نیوزی لینڈ کے خلاف قومی ٹیسٹ اسکواڈ

پاکستان کرکٹ ٹیم کی کپتانی کے فرائض بدستور بابر اعظم انجام دیں گے جب کہ عبداللہ شفیق، ابرار احمد، حسن علی، امام الحق اور کامران غلام کو اسکواڈ کا حصہ بنایا گیا ہے۔

علاوہ ازیں دیگر اسکواڈ میں محمد رضوان، محمد وسیم جونیئر، نسیم شاہ، نعمان علی، سرفراز احمد، سلمان علی آغا، سعود شکیل، شان مسعود اور زاہد محمود شامل ہیں۔

واضح رہے کہ دورہ پاکستان کے لیے نیوزی لینڈ کرکٹ ٹیم آکلینڈ سے کراچی کے لیے روانہ ہوگئی ہے، نیوزی لینڈ ٹیسٹ اسکواڈ براستہ دبئی کل صبح کراچی پہنچے گا۔

یاد رہے کہ ٹیسٹ سیریز کا پہلا میچ 26 دسمبر سے 30 دسمبر کے دوران کراچی میں کھیلا جائے گا جب کہ دوسرا ٹیسٹ 3 سے 7 جنوری کے دوران ملتان میں کھیلا جانا ہے۔