ارجنٹینا کے اسٹار فٹ بالر لیونل میسی کی ٹرافی کے ساتھ سونے کی تصاویر سوشل میڈیا پر وائرل ہو گئی ہیں۔

حال ہی میں ارجنٹینا کو فٹبال کا عالمی چیمپئن بنانے والے لیونل میسی نے اپنے انسٹاگرام اکاؤنٹ پر چند تصاویر پوسٹ کی ہیں جنہیں مداحوں کی جانب سے خوب پسند کیا جارہا ہے۔

شیئر کی گئی تصاویر میں دیکھا جاسکتا ہے کہ اسٹار فٹ بالر لیونل میسی نے ورلڈکپ ٹرافی سوتے وقت بھی اپنے پاس رکھی ہوئی ہے۔

واضح رہے کہ قطر میں فٹ بال ورلڈ کپ 2022 کا فائنل دفاعی چیمپئن فرانس اور ارجنٹائن کے درمیان کھیلا گیا تھا جہاں مقررہ وقت میں مقابلہ 2-2 سے برابر ہونے کے بعد دونوں ٹیموں نے اضافی وقت میں بھی ایک ایک گول کیا تاہم فائنل کا فیصلہ پینالٹی ککس پر ہوا، ارجنٹینا نے 2-4 سے کامیابی حاصل کی تھی۔

یہ بھی پڑھیں: لیونل میسی فیفا ورلڈکپ 2022 کے بہترین کھلاڑی قرار

اسٹار فٹبالر لیونل میسی نے اپنے کیریئر کے آخری ورلڈکپ کو یادگار بناتے ہوئے اپنا ادھورا خواب پورا کیا اور ورلڈکپ ٹرافی اپنے نام کی تھی۔ اس سے قبل ارجنٹینا نے 1978 اور 1986 میں ورلڈکپ اپنے نام کیا تھا۔