عمران نذیر کی جانب سے شاہد آفریدی کی تعریف کرنے پر سابق کپتان آبدیدہ ہوگئے۔

کرکٹر عمران نذیر کا ایک ویڈیو کلپ سوشل میڈیا پر وائرل ہورہا ہے جس میں انہوں نے شاہد آفریدی کی جانب سے کی جانے والی مدد کا انکشاف کیا ہے۔

Shahid Afridi was seen crying after Imran Nazir Thanked him for his help during crisis! 🥺❤️

Imran Nazir was financially unstable and Shahid Afridi through his foundation SAF helped him get best treatment! ❤️

Advertisement

Golden Heart LALA! ❤️🤩@SAfridiOfficial ♥️🙌 pic.twitter.com/uD6NFxaBRh

— MUZAMIL (@Muzamiil10) December 18, 2022

انہوں نے بتایا کہ ’جب میری انجری ہوئی تھی تو اس کا آخری آپریشن بہت مہنگا تھا جو شاہد آفریدی نے کروایا تھا، میری شاہد آفریدی فاؤنڈیشن کے ساتھ بہت ساری دعائیں ہیں‘۔

عمران نذیر نے شاہد آفریدی کا شکریہ ادا بھی کیا جس پر میزبان عدنان صدیقی نے کہا کہ ’اس میں شاہد آفریدی کا کمال ضرور ہے لیکن ان سے بڑھ کر والدین کا کمال ہے جنہوں نے ان کو ایسی تربیت دی‘۔

میزبان اداکار نے مزید کہا کہ شاہد آفریدی اکثر کہتے ہیں کہ انہوں نے ایک اننگز تو کھیل لی لیکن اب ایک نہ ختم ہونے والی اننگز ہے جو انسانیت کی خدمت ہے جب کہ سابق کپتان اپنی تعریف سنتے ہوئے آبدیدہ ہوگئے۔

یہ بھی پڑھیں: شاہد آفریدی سے ملنے والی بزرگ خاتون کچھ دیر بعد چل بسیں

واضح رہے کہ عمران نذیر نے حال ہی میں انکشاف کیا تھا کہ انہیں کسی نے مرکری پلادی تھی جس کی وجہ سے ان کے سارے جوڑ ناکارہ ہوگئے تھے۔