بین الاقوامی کرکٹ میں باپ اور بیٹے کو آؤٹ کرنے والے تین بولرز ہیں جن میں آسٹریلوی بولر مچل اسٹارک بھی شامل ہیں۔

آسٹریلوی بولر مچل اسٹارک حال ہی میں کرکٹ کی ایک نایاب فہرست میں شامل ہوئے ہیں۔ انہوں نے ویسٹ انڈیز کے معروف سابق کرکٹر شیو نارائن چندرپال کے بیٹے ٹیگنارائن چندر پال کو آؤٹ کیا ہے۔

اتفاق سے مچل اسٹارک نے ایک دہائی قبل شیو نارائن چندرپال کو بھی آؤٹ کیا تھا جب کہ بیٹے کو بھی آؤٹ کرنے کے بعد وہ اس نایاب فہرست میں شامل ہوئے ہیں۔

واضح رہے کہ بین الاقوامی کرکٹ میں مچل اسٹارک کے علاوہ بھی بولرز یہ کارنامہ انجام دے چکے ہیں جن میں آئن بوتھم اور وسیم اکرم شامل ہیں۔

دونوں بولرز نے نیوزی لینڈ کے باپ بیٹے کی جوڑی لانس کیرنز اور کرس کیرنز کا آؤٹ کیا ہے۔ وسیم اکرم نے 1985 میں لانس کیرنز کو آؤٹ کیا تھا جب کہ دو سال بعد کرس کیرنز کو آؤٹ کیا تھا۔

اس طرح آئن بوتھم نے 1990 کی دہائی کے آغاز میں کرس کیرنز کو آؤٹ کیا تھا جب کہ لانس کیرینز کئی مرتبہ آئن بوتھم کے ہاتھوں آؤٹ ہوچکے ہیں۔