قطر میں جاری فیفا ورلڈ کپ کا فائنل 18 دسمبر بروز اتوار کو ارجنٹائن اور دفاعی چیمپئن فرانس کے درمیان کھیلا جائے گا۔

کراچی میں شیڈول پاکستان سپر لیگ (پی ایس ایل) کے ڈرافٹ کے دوران لاہور قلندرز کے کپتان شاہین شاہ آفریدی نے کہا کہ ’میں میسی سے پیار کرتا ہوں اور میں چاہتا ہوں کہ ارجنٹائن جیتے‘۔

Shaheen Afridi is rooting for Lionel Messi for the #FIFAWorldCup final against France. The 🦅 shows support for the 🐐 pic.twitter.com/39qxofrbih

— Farid Khan (@_FaridKhan) December 16, 2022

واضح رہے کہ اس سے قبل یہ بات سامنے آئی تھی کہ پاکستان کرکٹ ٹیم کے زیادہ تر کھلاڑی پرتگالی فٹ بال لیجنڈ کرسٹیانو رونالڈو کے مداح ہیں۔

قومی ٹیم کے اوپنر امام الحق کے مطابق صرف سعود شکیل ارجنٹائن کے اسٹار فٹ بالر لیونل میسی کے مداح ہیں جب کہ اس بات کا انکشاف امام الحق نے کراچی کے نیشنل اسٹیڈیم میں پریس کانفرنس کرتے ہوئے کیا تھا۔

انہوں نے کہا تھا کہ ’میسی کے چند مداح رونالڈو کے مداحوں سے بات نہیں کرتے، رونالڈو کے مداحوں کو اس بات کا بھی دکھ تھا کہ کوارٹر فائنل میں پرتگال کے باہر ہونے کے بعد رونالڈو روتے ہوئے میدان سے باہر گئے تھے‘۔