بھارتی کرکٹر رشبھ پنت کار حادثے میں شدید زخمی ہوگئے ہیں جس کی ویڈیو منظر عام پر آگئی ہے۔

بھارتی کرکٹر رشبھ پنت ریاست اتر کھنڈ سے نئی دہلی آرہے تھے کہ راستے میں ان کی گاڑی خطرناک حادثے کا شکار ہوئی جس کی ویڈیو منظر عام پر آگئی ہے۔

Watch | CCTV footage reveals the moment when Rishabh Pant's car crashed into divider pic.twitter.com/VJm204VKqG

— Sports Tak (@sports_tak) December 30, 2022

رشبھ پنت کے حادثے کی ویڈیو بھارتی اسپورٹس چینل کے ٹوئٹر اکاؤنٹ سے شیئر کی گئی ہے جس میں گاڑی کو انتہائی تیز رفتاری کے باعث بے قابو ہوتے دیکھا جاسکتا ہے۔

13 سیکنڈ کی ویڈیو میں دیکھا جاسکتا ہے کہ گاڑی ہائی وے کی ریلنگ سے ٹکرائی جس کے بعد آگ لگی اور مکمل طور پر تباہ ہوگئی۔

واضح رہے کہ بھارتی کرکٹر کار حادثے میں شدید زخمی ہوگئے ہیں جب کہ انہیں سر اور جسم کے دیگر حصوں میں شدید چوٹیں آئی ہیں تاہم ڈاکٹرز کے مطابق ان کی حالت اب بہتر ہے۔