ملتان ٹیسٹ میں ڈیبیو کرنے والے پاکستانی اسپنر ابرار احمد انگلینڈ کے خلاف دوسرے ٹیسٹ کی پہلی اننگز 5 وکٹیں حاصل کرنے والے 13 ویں پاکستانی بولر بن گئے ہیں۔

پاکستان اور انگلینڈ کی ٹیموں کے درمیان ملتان کرکٹ اسٹیڈیم میں دوسرا ٹیسٹ میچ جاری ہے جس کے پہلے دن کا کھیل آج کھیلا جارہا ہے۔

یہ بھی پڑھیں: ملتان ٹیسٹ: ابرار احمد کا جادو چل گیا، انگلینڈ کی آدھی ٹیم پویلین لوٹ گئی

ابرار احمد کا جادو ایسا چلا کہ انگلینڈ کی آدھی ٹیم 180 رنز پر کھانے کے وقفے سے قبل ہی پویلین لوٹ گئی جب کہ ابرار احمد نے 13 اوورز میں 70 رنز دے کر 5 وکٹیں حاصل کیں۔

ابرار احمد پانچ وکٹیں حاصل کرکے پاکستانی بولرز کی ایلیٹ لسٹ میں شامل ہوگئے ہیں جب کہ وہ ڈیبیو ٹیسٹ میں 5 وکٹیں لینے والے 13 ویں بولر ہیں۔

عارف بٹ اپنے ٹیسٹ ڈیبیو میں پانچ وکٹیں لینے والے پہلے پاکستانی کھلاڑی تھے، انہوں نے 1964 میں آسٹریلیا کے خلاف 89 رنز کے عوض چھ وکٹیں حاصل کی تھیں۔

محمد نذیر اور محمد زاہد وہ واحد پاکستانی بولر ہیں جنہوں نے ڈیبیو ٹیسٹ میں سات سات وکٹیں حاصل کیں تھیں۔ عارف بٹ، تنویر احمد اور بلال آصف نے چھ چھ وکٹیں حاصل کیں تھیں جب کہ مزید دیگر کھلاڑیوں نے اپنے ڈیبیو پر پانچ وکٹیں حاصل کی ہیں۔

پانچ وکٹیں لینے والے بولرز میں شاہد آفریدی، محمد سمیع، شبیر احمد، یاسر عرفات، وہاب ریاض، شاہد نذیر اور نعمان علی شامل ہیں۔