بنگلہ دیش کے خلاف بھارتی سورماؤں کی شرمناک شکست پر بھارتی کرکٹ بورڈ نے ایک اجلاس طلب کر لیا ہے۔

تفصیلات کے مطابق کرکٹ کی ایک ویب سائٹ کے مطابق بنگلہ دیش کے خلاف ون ڈے سیریز میں ٹیم کی حالیہ شکست کے بعد بھارت میں بورڈ آف کنٹرول فار کرکٹ کا اجلاس طلب کرنے کی توقع ہے۔

مہمانوں کو سیریز کے پہلے دو ون ڈے میچز میں شکست ہوئی تھی اور وہ ہفتہ کو چٹگرام میں کلین سویپ کا خوف الگ ذہن پر سوار ہے۔

خبر رساں اداروں کے مطابق میٹنگ میں ہیڈ کوچ راہول ڈریوڈ، نیشنل کرکٹ اکیڈمی (این سی اے) کے چیف وی وی ایس لکشمن، کپتان روہت شرما اور ویرات کوہلی کے ساتھ بورڈ کے سینئر افسران بھی شرکت کریں گے۔

بی سی سی آئی کے ایک اہلکار کا کہنا تھا کہ ہم بنگلہ دیش جانے سے پہلے ہندوستانی ٹیم سے نہیں مل سکے کیونکہ کچھ عہدیدار مصروف تھے لیکن جیسے ہی ٹیم بنگلہ دیش سے واپس آئے گی اس کا شیڈول بنائیں گے۔

بی سی سی آئی کا کہنا تھا کہ یہ ایک شرمناک کارکردگی رہی اور ہمیں توقع نہیں تھی کہ ہماری ٹیم بنگلہ دیش سے ہار جائے گی.

جائزہ میٹنگ کے دوران سب سے زیادہ گرم موضوعات میں سے ایک جو روہت کی کپتانی اور 2022 میں بھارت کی کارکردگی ہے جہاں وہ ایشیا کپ اور ٹی ٹوئنٹی ورلڈ کپ جیسے بڑے ٹورنامنٹ میں بری طرح ناکام ہوئے ہیں۔

بھارت کی ٹیم نے سری لنکا، نیوزی لینڈ اور ویسٹ انڈیز کے خلاف کم پروفائل دو طرفہ سیریز میں کامیابی حاصل کی تھی اور انگلینڈ میں روہت شرما کی ٹیم نے بہترین کارکردگی کا مظاہرہ کیا تھا۔

مزید برآں، کپتان کا عہدہ سنبھالنے کے بعد بلے سے روہت کی فارم میں نمایاں کمی آئی ہے۔

بی سی سی آئی کے اہلکار کو امید ہے کہ روہت شرما اگلے سال بھارت میں ہونے ون ڈے ورلڈ کپ میں ٹیم کی قیادت کریں گے، جبکہ ہاردیک پانڈیا کو ٹی ٹوئنٹی کرکٹ ٹیم کا کل وقتی کپتان مقرر کر دیا گیا ہے۔

ٹی ٹوئنٹی ورلڈ کپ کا اگلا ایڈیشن 2024 میں کیریبین اور امریکہ میں ہو گا۔