سیلاب متاثرین  کی مدد کے لیے تھر میں جیپ ریلی کے انعقاد کا فیصلہ کیا گیا ہے۔

تفصیلات کے مطابق تھر جیپ ریلی کے  آرگنائزر نے کراچی پریس کلب میں پریس کانفرنس میں بتایا کہ یہ ریس مکمل طور سندھ موٹر اسپورٹس کروا رہی ہے۔ سندھ حکومت سے صرف سیکیورٹی اور لاجسٹک مدد لی گئی ہے۔

مزید پڑھیں: مٹھی میں تین روزہ تھر جیپ ریلی اور تھر اسپورٹس فیسٹیول کی تیاریاں مکمل

جنرل سیکریٹری موٹر اسپورٹس نے کہا کہ سندھ موٹر اسپورٹس نے ریس کی کمائی سیلاب متاثرین پر خرچ کرنے کا فیصلہ کیا ہے۔

انہوں نے بتایا کہ تھر جیپ ریلی پانچ سے آٹھ جنوری 2023 تک ہوگی جس کا ٹریک 107 کلومیٹر طویل ہوگا اور اس میں 80 ریسرز شریک ہوں گے۔

جنرل سیکریٹری موٹر اسپورٹس نے بتایا کہ  خواتین بھی اس ریلی میں ریسرز کی حیثیت سے شامل  ہوں گی۔

مزید پڑھیں: وفاق کا سیلاب متاثرین کو امداد نہ دینا قابل مذمت ہے، پرویز الٰہی

ان کا کہنا تھا کہ وننگ پرائز کا پچاس فیصد سیلاب متاثرین کو دیا جائے گا جبکہ رنر اور دیگر ریسرز بھی پچاس فیصد سیلاب متاثرین کے لیے دیں گے۔اس ریس سے کم از کم 5 کروڑ سیلاب متاثرین کی مدد کی جاسکے گی۔

جنرل سیکریٹری موٹر اسپورٹس نے مزید کہا کہ  موٹر اسپورٹس کی بنیاد سندھ سے رکھی گئی تھی۔