قومی کرکٹ ٹیم کے وکٹ کیپر بلے باز محمد رضوان مسلسل دوسری بار آئی سی سی مینز ٹی ٹوئنٹی کرکٹر آف دی ائیر  کے لیے نامزد ہوگئے۔

تفصیلات کے مطابق انٹرنیشنل کرکٹ کونسل(آئی سی سی) نے مینز ٹی ٹوئنٹی کرکٹر آف دی ائیر کی نامزدگیوں کا اعلان کردیا۔

https://twitter.com/ICC/status/1608365478002688000

نامزد کیے جانے والے کھلاڑیوں میں پاکستان کے محمد رضوان، انگلینڈ کے سیم کرن، زمبابوے کے سکندر رضا اور بھارت کے سوریا کمار یادیو  شامل ہیں۔

مزید پڑھیں: شاداب خان نے ٹی ٹوئنٹی کا ایک اور ریکارڈ توڑ دیا

محمد رضوان نے رواں برس بھی ٹی ٹوئنٹی کرکٹ میں 2021 والی کارکردگی برقرار رکھی اور 996 رنز بنائے ۔2022 میں صرف بھارت کے سوریا کمار یادیو ٹی ٹوئنٹی انٹرنیشنلز میں محمد رضوان سے زیادہ رنز بناسکے ہیں۔

مزید پڑھیں: وزڈن ٹی ٹوئنٹی ٹیم آف دی ایئر کا اعلان، 3 پاکستانی کھلاڑی شامل

رضوان نے رواں برس ٹی ٹوئنٹی انٹرنیشنلز میں 10 نصف سنچریز اسکور کیں اور ٹی ٹوئنٹی ورلڈکپ میں 175 رنز بنائے۔

رواں برس ہی محمد رضوان نے ٹی ٹوئنٹی رینکنگ میں پہلی پوزیشن بھی حاصل کی تاہم اب وہ سال کااختتام دوسری پوزیشن پر کریں گے۔