فیفا ورلڈ کپ کی ڈریم ٹیم کے نام سامنے آگئے جس میں 3 مراکش کھلاڑی بھی شامل ہیں۔

فرانس کے معروف اخبار نے قطر فیفا ورلڈ کپ 2022 کے بہترین کھلاڑیوں پر مشتمل ٹیم کا انتخاب کیا ہے جس کا کپتان ارجنٹینا کے اسٹار فٹ بالر لیونل میسی کو رکھا گیا ہے۔

رپورٹ کے مطابق مراکش کے 3 کھلاڑیوں کو بھی اس ٹیم کا حصہ بنایا گیا ہے جب کہ کروشیا کے بھی 3 کھلاڑی اس ٹیم میں شامل ہیں۔

علاوہ ازیں فرانس کے اسٹار فٹ بالر اور اسٹرائیکر کیلان ام باپے کو بھی ٹیم کا حصہ بنایا ہے جب کہ انگلینڈ کے ایک کھلاڑی کو بھی ٹیم کا حصہ بنایا گیا ہے۔

واضح رہے کہ گذشتہ روز قطر میں فیفا ورلڈ کپ کا فائنل ارجنٹائن اور فرانس کی ٹیموں کے درمیان کھیلا گیا جس میں سنسنی خیز مقابلے کے بعد جیت ارجنٹائن کے نام رہی۔

مقررہ ٹائم میں دونوں ٹیمیں تین، تین گول کرنے میں کامیاب رہی تاہم ورلڈ چیمپئن کا فیصلہ پنالٹی ککس پر ہوا جس میں ارجنٹائن نے 4-2 سے جیت اپنے نام کی۔