قومی فاسٹ بولر  شاہین شاہ آفریدی  آئی سی سی پلیئر آف دی منتھ  کے لیے نامزد ہوگئے۔

تفصیلات کے مطابق انٹرنیشنل کرکٹ کونسل (آئی سی سی)  نے پلیئر آف دی منتھ   (نومبر)  کے لیے نامزدگیوں کا اعلان کردیا۔

پلیئر آف دی منتھ کی نامزدگیوں میں شاہین آفریدی کے علاوہ دو انگلش کھلاڑی جوز بٹلر اور عادل رشید شامل ہیں۔

جوز بٹلر نے ٹی ٹوئنٹی ورلڈکپ 2022 میں اپنی ٹیم  کی قیادت کی اور اسے فاتح بنانے میں اہم کردار کیا۔انہوں نے  بھارت کے خلاف سیمی فائنل میں 49 گیندوں پر ناقابل شکست 80 رنز  کی یادگار اننگ کھیلی تھی۔

انگلش کپتان نے ایونٹ میں مجموعی طور پر 207 رنز بنائے تھے جس میں  دو نصف سنچریز  شامل ہیں۔

ٹی ٹوئنٹی ورلڈ کپ کے سپر 12 مرحلے کے ابتدائی تین میچز  میں وکٹ حاصل نہ کرسکنے والے عادل رشید نے آخری تین میچز  میں غیر معمولی کارکردگی کا مظاہرہ کرکے ٹیم کے ٹائٹل جیتنے میں اہم کردار ادا کیا۔

شاہین آفریدی  نے ٹی ٹوئنٹی ورلڈ کپ 2022 میں پاکستان  کی جانب سے سب سے زیادہ  11 وکٹیں حاصل کیں۔

انگلینڈ کے خلاف فائنل میں شاہین نے  ایلکس ہیلز  کو جلد ہی پویلین واپس بھیج دیا تھا تاہم میچ کے اختتامی مراحل میں ان کی انجری کے سبب پاکستان  ممکنہ طور پر ٹائٹل  سے محروم  ہوگیا۔

Have you checked the nominations for the ICC Men’s Player of the Month for November 2022 yet?

Vote now 🗳️ https://www.bolnews.com/urdu/sports/2022/12/720436/amp/ pic.twitter.com/EWJza6ioIc

Advertisement

— ICC (@ICC) December 6, 2022