پاکستان اور انگلینڈ کے درمیان پہلا ٹیسٹ میچ آج راولپنڈی کرکٹ اسٹیڈیم میں کھیلا جارہا ہے۔

پاکستان اور انگلینڈ کی ٹیموں کے درمیان تین ٹیسٹ میچز پر مشتمل سیریز کا آغاز ہوگیا ہے جس کا پہلا میچ آج راولپنڈی کرکٹ اسٹیڈیم میں کھیلا جارہا ہے۔

پنڈی ٹیسٹ کے پہلے دن قومی فاسٹ بولر شاہین آفریدی بھی انجری کے باجود کھلاڑیوں کا حوصلہ بڑھانے اسٹیڈیم پہن گئے ہیں جب کہ ان کی ویڈیو پی سی بی کی جانب سے شیئر کی گئی ہے۔

Here to support the boys 🤝@iShaheenAfridi is in the house 🙌#PAKvENG | #UKSePK pic.twitter.com/svEebrqvtV

— Pakistan Cricket (@TheRealPCB) December 1, 2022

ویڈیو میں دیکھا جاسکتا ہے کہ اسٹار فاسٹ بولر اسٹیڈیم میں قومی کھلاڑیوں سے مل رہے ہیں جب کہ اس موقع پر انہیں حارث رؤف سے بات کرتے ہوئے بھی دیکھا جاسکتا ہے۔

واضح رہے کہ پنڈی ٹیسٹ میں انگلینڈ نے ٹاس جیت کر پہلے بیٹنگ کرنے کا فیصلہ کیا جب کہ انگلینڈ کے اوپنر نے ٹیم کو اچھا آغاز فراہم کیا۔

انگلینڈ کی پہلی وکٹ 233 رنز پر گری جب بین ڈکٹ زاہد محمود کی گیند پر ایل بی ڈبلیو ہوئے جب کہ زاہد محمود نے یہ وکٹ حاصل کرکے اپنی پہلی بین الاقوامی وکٹ حاصل کی ہے۔

بین ڈکٹ 107 اور زیک کرولی 122 رنز بناکر آؤٹ ہوئے جب کہ جوئے روٹ 23 رنز بناکر پویلین لوٹ گئے۔

انگلینڈ نے پہلے دن کے کھیل میں 62 ویں اوور کے اختتام تک 3 وکٹوں کے نقصان پر 386 رنز اسکور کرلیے ہیں جب کہ اولی پوپ 86 اور ہیری بروک 38 رنز بناکر وکٹ پر موجود ہیں۔

پاکستان کی جانب سے زاہد محمود نے 2 کھلاڑیوں کو آؤٹ کیا جب کہ حارث رؤف ایک وکٹ حاصل کرنے میں کامیاب رہے ہیں۔