سابق آسٹریلوی کپتان رکی پونٹنگ کو کمنٹری کے دوران دل میں تکلیف کے باعث اسپتال منتقل کردیا گیا۔

آسٹریلوی میڈیا کی رپورٹ کے مطابق  کمنٹری کے دوران رکی پونٹنگ  کو دل میں تکلیف محسوس ہونے پر فوری طور پر اسپتال منتقل کیا گیا۔

پونٹنگ  کا ایمرجنسی میں طبی معائنہ کیا گیا ہے، ڈاکٹرز کی جانب سے ان کی طبیعت بہتر بتائی جارہی ہے۔

رکی پونٹنگ پرتھ اسٹیڈیم میں آسٹریلیا اور ویسٹ انڈیز کے مابین جاری میچ کے دوران کمنٹری کر رہے تھے۔ وہ کھانے کے وقفے کے دوران کمنٹری چھوڑ کر چلے گئے تھے۔

میڈیا رپورٹ کے مطابق  طبیعت ناساز  ہونے کے باعث  پونٹنگ ایک ہفتے  کے لیے کمنٹری نہیں  کریں گے۔