سفری ہدایات کے تحت غیر ملکی کھلاڑیوں نے پی ایس ایل کے میچز خیبر پختونخوا اور بلوچستان میں کھیلنے سے انکار کردیا ہے۔

خبر رساں ادارے کی رپورٹ کے مطابق خیبر پختونخوا اور بلوچستان میں پی ایس ایل کے میچز کا انعقاد مشکل میں پڑ گیا ہے کیونکہ غیرملکی کھلاڑیوں نے سفری ہدایات کے تحت ان صوبوں میں کھیلنے سے انکار کردیا ہے۔

رپورٹ کے مطابق پاکستان کرکٹ بورڈ کے سی ای او فیصل حسنین نے بتایا کہ ہم پی ایس ایل کے میچز پشاور میں بھی کروانا چاہتے ہیں لیکن غیر ملکی کھلاڑیوں نے اپنے ممالک کے سفری ہدایات نامہ کے تحت ان صوبوں میں نہیں آنا چاہتے۔

ان کا کہنا تھا کہ کوشش کررہے ہیں کہ خیبر پختونخوا میں بھی بین الاقوامی کرکٹ بحال ہو، کھلاڑیوں کو محتاط سفر کی ہدایت کی گئی ہے۔

انہوں نے مزید کہا کہ پی سی بی اور خیبر پختونخوا حکرمت کے درمیان حیات آباد کرکٹ اسٹیڈٰیم بورڈ کی تحویل میں دینے کے لیے معاہدہ ہوا جب کہ صوبے میں کرکٹ ٹیلنٹ کے لیے بھی معاہدہ کیا گیا ہے۔

واضح رہے کہ پی ایس ایل سیزن 8 آئندہ سال 9 فروری سے 19 مارچ کے دوران لاہور، ملتان، کراچی اور راولپنڈی میں کھیلا جائے گا جس میں دفاعی چیمپئن لاہور قلندر اپنے ٹائٹل کا دفاع کرے گا۔