پنجاب کی نگراں کابینہ نے فاسٹ بولر وہاب ریاض کو وزیر کھیل مقرر کر دیا ہے۔

پاکستان کرکٹ ٹیم کے فاسٹ بولر وہاب ریاض کو پنجاب حکومت کی نگراں کابینہ میں وزیر کھیل مقرر کر دیا گیا ہے۔

وہاب ریاض اس وقت بنگلادیش پریمیئر لیگ کھیل رہے ہیں جب کہ انہوں نے پاکستان کی نمائندگی کرتے ہوئے 164 میچز کھیلے ہیں جس میں 237 وکٹیں حاصل کی ہیں۔

وہ 2017 میں آئی سی سی چیمپئز ٹرافی جیتنے والی ٹیم کا بھی حصہ تھے۔

واضح رہے کہ سابق وزیر اعلیٰ پنجاب پرویز الہیٰ کی جانب سے اسمبلی تحلیل کرنے کے بعد محسن نقوی کو نگراں وزیر اعلیٰ بنایا گیا ہے۔

وہاب ریاض کی بطور وزیر کھیل تعیناتی کا فیصلہ بھی 11 افراد پر مشتمل نگراں کابینہ نے کیا ہے۔