بھارت کی معروف ٹینس اسٹار اور قومی کرکٹ ٹیم کے سابق کپتان شعیب ملک کی اہلیہ ثانیہ مرزا کا کیرئیر اختتام کو پہنچ گیا ہے۔

دبئی ٹینس چیمپئن شپ کا پہلا راؤنڈ میچ ثانیہ مرزا کے کیرئیر کا آخری معرکہ ثابت ہوا۔

ثانیہ مرزا امریکی ساتھی کے ہمراہ ویمنز ڈبلز میں 4-6، 0-6 سے ہار گئیں۔

آخری میچ میں شکست کے ساتھ ثانیہ مرزا کا 20 سالہ ٹینس کیرئیر ختم ہو گیا ہے۔

بھارت کی 36 سالہ ٹینس اسٹار ثانیہ مرزا نے 2003 میں پروفیشنل ٹینس کا آغاز کیا اور اب تک انہوں نے چھ گرینڈ سلم ٹرافیز اپنے نام کیں۔

. @MirzaSania speaks to RevSportz soon after finishing her last match @Charudutta75 . #ThankYouSania #SaniaMirza pic.twitter.com/1pXZ1hj4XM

— Boria Majumdar (@BoriaMajumdar) February 21, 2023

ثانیہ مرزا نے تین ویمن ڈبلز گرینڈ سلم ٹائٹل سوئٹزرلینڈ کی مارٹینا ہنگس کے ساتھ جیتے جبکہ تین مکسڈ ڈبلز گرینڈسلم جیتے دو ہم وطن مہیش بھوپتی کے ساتھ جیتے۔

یاد رہے کہ ثانیہ مرزا نے گزشتہ ماہ میلبرن میں آخری گرینڈ سلم آسٹریلین اوپن کھیلا۔