قومی کرکٹر شاداب خان کی شادی سابق کرکٹر ثقلین مشتاق کی بیٹی سے ہوئی ہے جس کے بعد ان کا پہلا انٹرویو منظر عام پر آگیا ہے۔

شادی خان کی شادی سابق کرکٹر ثقلین مشتاق کی بیٹی سے ہوئی جس کی نکاح کی تقریب 23 جنوری کو منعقد ہوئی جب کہ باقی شادی کی تقریبات حال ہی میں مکمل ہوئیں ہیں۔

یہ بھی پڑھیں: بابر اعظم نے شاداب خان کو شادی پر کتنی سلامی دی؟ ویڈیو وائرل

شاداب خان شادی کے بعد کیسا محسوس کرتے ہیں؟

شاداب خان کا شادی کے بعد پہلا انٹرویو سامنے آگیا ہے جس میں انہوں نے شادی کے بعد کے احساسات بیان کیے ہیں۔

Advertisement

🗣️ A candid conversation with Shadab Khan on tying the knot. Congratulations to him! pic.twitter.com/cqWJa9fjqj

— Pakistan Cricket (@TheRealPCB) February 10, 2023

شاداب خان کا کہنا تھا کہ زندگی کے نئے سفر کے لیے بالکل نئے میچ کی طرح پرجوش ہوں، سب کچھ اتنی جلدی ہوا کہ مجھے خود بھی پتا نہیں چلا۔

انہوں نے کہا کہ آسٹریلیا جا رہا تھا کہ اچانک فلائٹ کینسل ہوئی اور پورا فلمی سین ہوگیا، دس دن میں منگنی اور شادی ہوگئی۔

وقت ملا تو سوچا شادی کرلیں

قومی کھلاڑی کہتے ہیں کہ پی ایس ایل سے پہلے شادی ہوگئی جس پر بے حد خوش ہوں، ہزاروں دل توڑنے کا دکھ ہے بھی اور نہیں بھی کیونکہ جو کل ٹوٹنے تھے وہ آج ٹوٹ گئے۔

ان کا کہنا تھا کہ ساتھی کھلاڑیوں کی شادی اتفاق نہیں، میری اور حارث کی تو اچانک ہوگئی جب کہ شاہین اور شان مسعود کی شادی تو پہلے سے طے تھی۔

شاداب خان کہتے ہیں کہ حارث رؤف اور مجھے انجری کی وجہ سے وقت ملا تو سوچا شادی کرلیں۔

شاداب خان شادی کے بعد ثقلین مشتاق کو کس نام سے پکاریں گے؟

ثقلین مشتاق کے ساتھ اپنے نئے رشتے پر بات کرتے ہوئے انہوں نے کہا کہ ثقلین مشتاق کے ساتھ ابھی کوچ والے ہی معاملات ہیں، سسر والے نہیں۔

آل راؤنڈر نے کہا کہ کوچ سے تو ڈانٹ پڑتی ہی رہتی ہے لیکن ثقلین بھائی کے ساتھ اچھے تعلقات ہیں۔ شادی کے بعد بھی ثقلین بھائی، بھائی ہی رہیں گے ابا نہیں۔