آسٹریلوی آل راؤنڈر بین کٹنگ کا کہنا ہے کہ  پی ایس ایل دوسری لیگز سے کافی مختلف ہے۔

پاکستان سپر لیگ (پی ایس ایل) کی فرنچائز کراچی کنگز کی ٹیم میں شامل بین کٹنگ نے ان خیالات کا اظہار نیشنل بینک کرکٹ ایرینا(سابقہ نیشنل اسٹیڈیم کراچی) میں  صحافیوں سے گفتگو کرتے ہوئے کیا۔

یہ بھی پڑھیں: پاکستان میں لوگ کرکٹ اور کرکٹرز سے بہت پیار کرتے ہیں، مارٹن گپٹل

بین کٹنگ  نے کہا کہ میں اور ایرن (پی ایس ایل پریزینٹر و بین کٹنگ کی اہلیہ) دونوں پاکستان اور اس کے لوگوں کو بہت پسند کرتے ہیں۔  پی ایس ایل سے ہمارا ایک گہرا تعلق ہے۔

انہوں  نے مزید کہا کہ پی ایس ایل دوسری لیگز سے کافی مختلف ہے۔ پی ایس ایل میں ہر بولر 140  کی رفتار سے تیز بولنگ کرتا ہے۔ یہاں اچھے اسپنرز اور بہترین بیٹسمین بھی ہیں۔

یہ بھی پڑھیں: پی ایس ایل 8 ٹرافی کی رونمائی، سب کو پتا لگنا چاہیے کہ تبدیلی آگئی ہے

بین کٹنگ کا کہنا تھا کہ کراچی کنگز میں بابر اعظم کی کمی محسوس ہوگی تاہم  بابر اعظم کے خلاف بولنگ کرنے کے لیے پرجوش ہوں۔