بھارت اور آسٹریلیا کے مابین تیسرے ٹیسٹ  میچ کا وینیو تبدیل کردیا گیا۔

تفصیلات کے مطابق بھارتی کرکٹ بورڈ کا کہنا ہے کہ سیریز کا تیسرا ٹیسٹ دھرم شالا سے اندور منتقل کر دیا گیا۔

یہ بھی پڑھیں: گیند پر کریم لگانے کی سزا، رویندر جڈیجہ پر جرمانہ عائد

بھارتی کرکٹ بورڈ کا کہنا ہے کہ دھرم شالا میں سخت سردی کے باعث گراؤنڈ تیار نہیں کی جاسکی ۔

بھارتی کرکٹ بورڈ کی جانب سے جاری بیان میں کہا گیا ہے کہ کنڈیشنز کے باعث گراؤنڈ مکمل تیار ہونے میں وقت درکار ہے۔ آؤٹ فیلڈ اور گھاس اس قابل نہیں کہ میچ ممکن ہو سکے۔

یہ بھی پڑھیں: سابق بھارتی کرکٹر نے روہت شرما کے ٹی ٹوئنٹی ورلڈ کپ میں شرکت نہ کرنے کی پیش گوئی کردی

واضح رہے کہ بھارت اور آسٹریلیا کے درمیان  تیسرا ٹیسٹ میچ یکم سے پانچ مارچ تک کھیلا جائے گا۔

بھارت کو چار ٹیسٹ میچز کی سیریز میں ایک صفر کی برتری حاصل ہے۔