پی ایس ایل کی نئی ٹرافی کی رونمائی کل ہو گی

پاکستان سپر لیگ (پی ایس ایل) کے آٹھویں ایڈیشن کے لیے بنائی گئی نئی ٹرافی کی رونمائی کل ہوگی۔

تفصیلات کے مطابق پاکستان سپر لیگ کے آٹھویں ایڈیشن کے لیے نئی ٹرافی متعارف کرانے کا فیصلہ کیا گیا ہے۔

اس سے قبل پی ایس ایل ٹرافی سات ایڈیشن تک برقرار رہی۔

پی ایس ایل ٹرافی کی رونمائی لاہور کے تاریخی شالیمار باغ میں ہوگی۔ پی سی بی مینجمنٹ کمیٹی کے چیئرمین نجم سیٹھی ٹرافی کی رونمائی کریں گے۔

تقریب میں پی ایس ایل فرنچائزز کے کپتان بھی شریک ہوں گے۔ مینجمنٹ کمیٹی کے اراکین اور فرنچائزز کے نمائندے بھی تقریب میں شامل ہوں گے۔

پی ایس ایل کی نئی ٹرافی کو پہلے سےزیادہ دیدہ زیب بنانے کی کوشش کی گئی ہے۔ ٹرافی کے اسٹار کو 24 قیراط سونے سے تیار کیا گیا ہے۔

واضح رہے کہ پاکستان سپر لیگ کی افتتاحی تقریب 13 فروری کو ملتان میں ہو گی ۔