تیسرے ٹیسٹ میچ میں آسٹریلیا نے بھارت کو 9 وکٹوں سے شکست دے کر ورلڈ ٹیسٹ چیمپئن شپ کے فائنل میں رسائی حاصل کرلی۔

اندور میں کھیلے گئے ٹیسٹ میچ  میں بھارت نے ٹاس جیت کر پہلے بیٹنگ کرنے کا فیصلہ کیا تو پہلی اننگز میں پوری ٹیم صرف 109 رنز پر ڈھیر ہوگئی۔

ویرات کوہلی 22، شبمان  گل 21، سریکار بھرت اور امیش یادیو 17،17 ، کپتان روہت شرما 12، رویندرا جدیجا 4، روی چندرن ایشون 3، چتیشور پجارا ایک جبکہ شریاس ایئر اور محمد سراج بغیر کوئی رن بنائے آؤٹ ہوئے۔ اکشر پٹیل 12 رنز بناکر ناٹ آؤٹ رہے۔

آسٹریلیا کی جانب سے میتھیو کہنمین نے 5، نیتھن لیون نے 3 اور ٹوڈ مرفی نے ایک وکٹ حاصل کی۔

آسٹریلوی ٹیم اپنی پہلی اننگز میں عثمان خواجہ (60) کی  نصف سنچری کی بدولت 197 رنز بنانے میں کامیاب رہی۔مارنس لبوشین 31، کپتان اسٹیو اسمتھ 26 اور کیمرون گرین 21 رنز بناکر دیگر نمایاں بلے باز رہے۔

بھارت کی جانب سے رویندرا جدیجا نے 4 جبکہ روی چندرن ایشون اور  امیش یادیو نے 3،3 وکٹیں حاصل کیں۔

دوسری اننگز میں  بھی بھارتی  ٹیم بڑا اسکور کرنے میں ناکام رہی اور صرف 163 رنز ہی بناسکی۔ چتیشور پجارا59 رنز بناکر ٹاپ اسکورر رہے۔

شریاس ایئر 26، روی چندرن ایشون  16،  ویرات کوہلی 13 ،  کپتان روہت شرما 12،  رویندرا جدیجا7،  شبمان  گل 5 ،  سریکار بھرت 3 جبکہ امیش یادیو  اور محمد سراج بغیر کوئی رن بنائے آؤٹ ہوئے۔ اکشر پٹیل 15 رنز بناکر ناٹ آؤٹ رہے۔

آسٹریلیا کی جانب سے نیتھن لیون نے 8 جبکہ میتھیو کہنمین اور مچل اسٹارک نے ایک ایک وکٹ حاصل کی۔

https://twitter.com/ICC/status/1631433185706881024

آسٹریلیا کو جیت کے لیے 76 رنز کا معمولی ہدف ملا جو اس نے ایک وکٹ کے نقصان پر با آسانی حاصل کرلیا۔ٹریوس ہیڈ 49 اور مارنس لبوشین 28 رنز بناکر ناقابل شکست رہے۔

https://twitter.com/ICC/status/1631524815243755521

اس فتح کے ساتھ ہی آسٹریلیا کی ورلڈ ٹیسٹ چیمپئن شپ کے فائنل میں جگہ پکی ہوگئی ہے۔

Read more on all remaining #WTC23 scenarios.https://www.bolnews.com/urdu/sports/2023/03/266912/amp/

— ICC (@ICC) March 3, 2023

واضح رہے کہ 4 ٹیسٹ میچز کی سیریز میں بھارت کو 1-2 کی برتری حاصل ہے۔