افغانستان سیریز کے لیے قومی کرکٹ ٹیم کے کپتان مقرر کیے جانے والے شاداب خان کا کہنا ہے کہ مجھے جو ذمہ داری سونپی گئی ہے اپنی قابلیت کے مطابق نبھانے کی کوشش کروں گا۔

پاکستان کرکٹ بورڈ (پی سی بی) کی ویب سائٹ پر جاری کی گئی ویڈیو میں شاداب خان کا کہنا تھا کہ  میں پاکستان ٹیم کا کپتان بننے پر اللہ کا شکر ادا کرتا ہوں۔

شاداب خان نے کہا کہ  نئے کھلاڑیوں کے ٹیم میں جگہ بنانے پر مبارکباد دیتا ہوں۔

انہوں نے مزید کہا کہ  کھلاڑی اس ٹارگٹ کے ساتھ کھیلنا شروع کرتے ہیں کہ اعلیٰ سطح پر جائیں۔ اس سے بڑھ کر کچھ نہیں ہو سکتا کہ آپ اپنے ملک کی نمائندگی کریں۔

Advertisement

.@76Shadabkhan is excited to lead Pakistan for the three-match T20I series against Afghanistan.#AFGvPAK | #BackTheBoysInGreen pic.twitter.com/tGuPZ9rZCQ

— Pakistan Cricket (@TheRealPCB) March 14, 2023

شاداب خان نے کہا کہ  یہ ایک نوجوان ٹیم ہے اور میں بہت پرجوش ہوں۔ نوجوان ٹیم میں انرجی ہوتی ہے کوشش کروں گا کہ یہ انرجی خود بھی لوں ، یہ ایک دلچسپ سیریز ہو گی۔

انہوں نے شائقین کرکٹ سے درخواست کی کہ  ہمیشہ کی طرح پاکستان ٹیم کو سپورٹ کریں ۔

شاداب خان نے کہا کہ کوشش کریں گے کہ جس طرح پی ایس ایل کے میچز دلچسپ ہوئے یہ سیریز بھی اسی طرح ہو۔