پاکستان کرکٹ ٹیم سری لنکن سرزمین پر سب سے زیادہ میچز جیتنے والی ٹیم بن گئی ہے۔

پاکستان کرکٹ ٹیم نے سری لنکا میں ایک اور اعزاز اپنے نام کرلیا ہے۔ گال انٹرنیشنل اسٹیڈیم میں کھیلے گئے دو میچز کی سیریز کے پہلے ٹیسٹ میچ میں پاکستان نے سری لنکا کو سنسنی خیز مقابلے کے بعد چار وکٹوں سے شکست دے دی ہے۔

سری لنکا میں پاکستان کی یہ 10 ویں جیت ہے جس کے بعد قومی ٹیم اب سری لنکا میں سب سے زیادہ میچز جیتنے والی ٹیموں کی فہرست میں سرفہرست ہے۔

یہ پاکستان کے لیے ایک اہم کامیابی ہے کیونکہ سری لنکا روایتی طور پر مضبوط ہوم ٹیم ہے۔

پاکستان ٹیم نے سری لنکا میں کل 26 میچز کھیلے جس میں 10 میں کامیابی حاصل کی جب کہ دوسرے نمبر پر انگلینڈ ہے جو 18 میچز کھیل کر 9 میں کامیابی حاصل کرچکا ہے جب کہ بھارت 24 میچز میں سے 9 میں کامیاب رہا ہے۔

سری لنکا کے خلاف جیت کے بعد قومی ٹیم کے کپتان بابر اعظم اب پاکستانی کپتانوں کے ایک ایلیٹ گروپ میں شامل ہوگئے ہیں کیونکہ ان کی قیادت میں قومی ٹیم 9 ٹیسٹ میچز میں سے 7 میچز جیتنے میں کامیاب رہی ہے۔

پاکستانی کپتانوں میں سرفہرست مصباح الحق کا نام ہے کیونکہ ان کی قیادت میں قومی ٹیم نے 32 میچز میں سے 13 میں فتوحات حاصل کی تھیں۔

علاوی ازیں سلیم ملک اور وسیم اکرم بھی اس فہرست میں شامل ہیں جن کی قیادت میں قومی ٹیم نے بالترتیب 9 اور 16 میچز کھیل کر 6-6 میچز میں فتح حاصل کی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/07/225439/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/07/225439/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں