پاکستان کرکٹ بورڈ (پی سی بی) کے مشیر مصباح الحق نے چیف سلیکٹر کے عہدے کے لیے چار نام تجویز کردیے ہیں۔

سابق کپتان مصباح الحق کو حال ہی میں پاکستان کرکٹ بورڈ (پی سی بی) کی مینجمنٹ کمیٹی کے سربراہ ذکا اشرف کا مشیر مقرر کیا گیا ہے۔

انہوں نے چیف سلیکٹر کے عہدے کے لیے چار نام پیش کیے ہیں جس میں مشتاق احمد، محمد وسیم، اظہر علی اور انضمام الحق کا نام شامل ہے۔

واضح رہے کہ مشتاق احمد نے پاکستان کے لیے 52 ٹیسٹ اور 144 ون ڈے میچز کھیل کر ٹیسٹ میں 185 اور ون ڈے میں 161 وکٹیں حاصل کی ہیں۔

محمد وسیم نے 18 ٹیسٹ اور 25 ون ڈے کھیلے ہیں جب کہ اظہر علی نے 97 ٹیسٹ اور 53 ون ڈے میچز میں پاکستان کی نمائندگی کی ہے۔ انضمام نے 120 ٹیسٹ اور 378 ون ڈے میچز کھیلے ہیں۔

میڈیا رپورٹس کے مطابق ایشیا کپ اور آئی سی سی ورلڈ کپ 2023 کے لیے اسکواڈز کا اعلان چیف سلیکٹر کی تقرری کے بعد کیا جائے گا۔

دوسری جانب مصباح الحق نے کرکٹ کمیٹی کے ارکان کے لیے اظہرعلی ، انضمام الحق، وقار یونس، محمد حفیظ اور راشد لطیف سے رابطہ کیا ہے۔

تاہم انہوں نے فیصلہ کرنے کے لیے کچھ وقت مانگا ہے جب کہ میڈیا رپورٹس ہیں کہ کئی سابق کرکٹرز نے کمیٹی میں شامل نہ ہونے کا فیصلہ کیا ہے۔

خیال رہے کہ مصباح الحق نے گزشتہ روز ڈومیسٹک سرکٹ کے ڈھانچے کے حوالے سے کمیٹی کا اجلاس بھی کیا جب کہ سابق کپتان آج ذکا اشرف سے بھی ملاقات کریں گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/07/475154/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/07/475154/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں