ایمرجنگ ایشیاکپ کے سیمی فائنل میں عمیر بن یوسف نے شاندار کیچ پکڑ کر سب کو حیران کردیا ہے۔

ایمرجنگ ایشیاکپ کے سیمی فائنل میچ نے سب کی توجہ حاصل کرلی ہے جس میں پاکستان اے کے کھلاڑی عمیر بن یوسف نے شاندار کیچ پکڑا جو میچ کا ٹرننگ پوائنٹ ثابت ہوا۔

میچ کے 44 ویں اوور میں ارشد اقبال نے سری لنکن بلے باز دشن ہیمانتھا کو شارٹ دیلیوری بال کروائی جس پر انہوں نے پل شاٹ لگانے کی کوشش کی لیکن گیند مڈ وکٹ اور لاگ آن کے درمیان ہوا میں اونچی اڑ گئی۔

Can’t believe our 👀

What. A. Catch!#EmergingAsiaCupOnFanCode #SLvPAK pic.twitter.com/glzyIBhRdT

Advertisement

— FanCode (@FanCode) July 21, 2023

گیند کو ہوا میں دیکھ کر پاکستانی کھلاڑی عمیر بن یوسف تیزی سے گیند کی طرف دوڑے اور بائیں جانب ڈائیو لگاکر انہوں نے غیر معمولی کیچ پکڑا جس نے تماشائیوں سمیت تمام دیکھنے والے کو حیرت میں ڈال دیا۔

یہ شاندار کیچ میچ کے لیے ٹرننگ پوائنٹ ثابت ہوا اور یہ میچ پاکستان اے ٹیم نے 60 رنز سے اپنے نام کرکے فائنل تک رسائی حاصل کرلی۔

واضح رہے کہ اس میچ میں عمیر بن یوسف اور پاکستان اے کے کپتان محمد حارث نے شاندار بیٹنگ کا مظاہرہ کرتے ہوئے نصف سنچریاں اسکور کیں تھی جب کہ قومی اے ٹیم نے سری لنکا کو جیت کے لیے 323 رنز کا ہدف دیا تھا۔

جواب میں سری لنکا کی پوری ٹیم 45.4 اوورز میں 262 رنز پر ڈھیر ہوگئی۔ فائنل میں پاکستان اے کا مقابلہ روایتی حریف بھارت سے ہوگا جو اتوار 23 جولائی کو کولمبو کے آر پریماداسا اسٹیڈیم میں کھیلا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/07/622881/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/07/622881/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں