پاکستان کرکٹ بورڈ (ہی سی بی) کے چیئرمین ذکاء اشرف اور ہیڈ آف کرکٹ کمیٹی مصباح الحق کے درمیان ملاقات ہوئی جس میں اہم فیصلے کیے گئے۔

تفصیلات کے مطابق دونوں عہدیداروں نے ٹیم ڈائریکٹر مکی آرتھر، ہیڈ کوچ گرانٹ بریڈبرن کو فوری تبدیل کرنے پر اتفاق کیا جبکہ پاکستان کرکٹ بورڈ ہیڈ کوچ کے لیے نیا نام بھی تلاش کرے گا۔

ذرائع کے مطابق ذکا اشرف نے ہیڈ آف کرکٹ کیمٹی مصباح الحق کو مکمل اختیار دینے کا فیصلہ کیا جبکہ کرکٹ کمیٹی کو بھی با اختیار بنانے کا فیصلہ کیا گیا۔

ذرائع کے مطابق ملاقات میں ذکاء اشرف نے مصباح الحق سے کہا کہ کرکٹ کمیٹی کو مضبوط اور بااختیار بنائیں گے جبکہ کرکٹ کمیٹی پاکستان کرکٹ ٹیم کے ہیڈ کوچ کے معاملے پر بھی تجاویز دے گی۔

ذکاء اشرف نے سابق کپتان سے کہا کہ اپنے ساتھ سنئیر کرکٹرز کو ملائیں اور کرکٹ کے تمام معاملات کو دیکھیں۔

ذرائع کا کہنا ہے کہ ملاقات کے دوران ذکاء اشرف نے فیصلہ کیا کہ کرکٹ کمیٹی ہی چیف سلیکٹر اور اراکین  کے نام تجویز کرےگی۔

بعدازاں کرکٹ کمیٹی کے سربراہ مصباح الحق کی کرکٹ بورڈ کے اعلی عہدیداران سے ملاقاتوں کا سلسلہ جاری ہے۔

ذرائع نے امکان ظاہر کیا کہ کرکٹ کمیٹی کے لیے سنئیر سابق کرکٹرز کے نام ایک دو روز تک فائنل ہوجائیں گے۔

دوسری جانب ذرائع کا یہ بھی کہنا ہے کہ چیئرمین ذکاء اشرف محمد حفیظ کو سلیکشن کمیٹی کی زمہ داریاں دینے میں دلچسپی رکھتے ہیں جبکہ محمد حفیظ پی سی بی میں نوکری کرنے کے لئے پہلے ہی انکار کرچکے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/07/739068/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/sports/2023/07/739068/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں