پاکستان کرکٹ ٹیم ہیمبنٹوٹا سے گال کے لیے روانہ ہوگئی ہے اور دو گھنٹے میں گال پہنچ جائے گی۔

تفصیلات کے مطابق پاکستان کرکٹ ٹیم کا ٹیسٹ اسکواڈ آج گال پہنچ کر آرام کرے گا جب کہ قومی ٹیم نے ہیمبنٹوٹا میں سری لنکا کے خلاف دو روزہ وارم اپ میچ کھیلا تھا۔

پاکستان ٹیم نے سری لنکا بورڈ الیون سے دو روزہ وارم اپ میچ کھیلا تھا جو بے نتیجہ رہا جب کہ سری لنکا نے پہلی اننگز میں 196 رنز بنائے تھے۔

سری لنکا بورڈ الیون نے دوسری اننگز کے اختتام پر چار وکٹوں کے نقصان پر 88 رنز بنائے۔ پاکستان کی جانب سے سلمان علی آغا نے دو کھلاڑیوں کو آؤٹ کیا جب کہ نسیم شاہ اور شاہین شاہ آفریدی نے ایک ایک کھلاڑی کو آؤٹ کیا۔

واضح رہے کہ پاکستان اور سری لنکا کی ٹیموں کے درمیان پہلا ٹیسٹ میچ 16 جولائی سے گال میں شروع ہوگا۔