اولمپکس کی تاریخ میں پہلی بار افتتاحی تقریب مرکزی ایتھلیٹکس اسٹیڈیم کے باہر منعقد ہونے والی ہے جس کی ریہرسل کا آغاز  ہو گیا۔

تفصیلات کے مطابق  پیرس اولمپکس کی انتہائی پرجوش افتتاحی تقریب کی پریکٹس میں تقریباً 40 کشتیوں نے حصہ لیا۔اس دوران سٹی آف لائٹ کے وسط سے دریا  ئے سین پر تمام نقل و حرکت روک دی گئی۔

افتتاحی تقریب میں ٹیمیں اور آفیشلز 100 سے زائد جہازوں کے فلوٹیلا پر پیرس سے گزریں گے۔

پریکٹس کے دوران وفود کو فلوٹیلا پر منتقل کرنے والی تقریباً 40 کشتیاں روانہ ہوئیں، ان کے ساتھ مزید 18 جہاز ہنگامی خدمات، منتظمین اور میزبان براڈ کاسٹر کے بھی تھے۔

اولمپکس ایونٹ کے ڈائریکٹر کا کہنا ہے کہ ہمیں تقریب کی فلم بندی کے ایک نئے طریقے کی جانچ کرنے کی ضرورت ہے۔ کوریوگرافی فرانسیسی تھیٹر ڈائریکٹر 41 سالہ تھامس جولی کر رہے ہیں جن کے منصوبے ابھی تک خفیہ ہیں۔

پیرس اولمپکس دریا کے کنارے لگ بھگ ایک لاکھ انعامی مقامات کے ٹکٹ منتظمین کے ذریعے  فروخت کیے گئے ہیں جن میں کئی لاکھ افراد کو دریا کے کنارے سے مفت دیکھنے کی اجازت دی جائے گی۔

واضح رہے کہ پیرس اولمپکس اگلے سال 26 جولائی سے 11 اگست تک ہوں گے۔