پاکستانی فاسٹ بولر عثمان شنواری کا قومی ٹیم کے کپتان بابر اعظم کی تعریف کرتے ہوئے کہنا تھا کہ میں ان کا سامنا کرتے وقت بہت پر اعتماد ہوتا ہوں۔

حال ہی میں قومی فاسٹ بولر عثمان شنواری نے مقامی یوٹیوب چینل کو انٹریو دیا جس میں انہوں نے بابر اعظم کو ٹیسٹ اور ون ڈے کرکٹ میں اپنا پسندیدہ کھلاڑی قرار دیا۔

ان کا کہنا تھا کہ ٹی ٹوئنٹی میں ان کے خلاف بولنگ کرتے وقت میں زیادہ دباؤ محسوس نہیں کرتا لیکن اس میں کوئی شک نہیں کہ وہ میرے پسندیدہ کھلاڑی ہیں۔

انہوں نے کہا کہ مجھے لگتا ہے کہ بابر اعظم ون ڈے اور ٹیسٹ میں انتہائی خطرناک کھلاڑی ہیں لیکن ٹی ٹوئنٹی میں ان کے خلاف میں زیادہ دباؤ محسوس نہیں کروں گا کیونکہ وہ روایتی شارٹس پر انحصار کرتے ہیں۔

عثمان شنواری کہتے ہیں کہ بحیثیت بولر آپ بابر اعظم سے یہ توقع نہیں کرتے ہیں کہ وہ اچھی لینتھ ڈیلیوری کو سوئپ کریں گے یا چھکے کے لیے غیر روایتی شاٹس کھیلیں گے جس کی وجہ سے مجھے ٹی ٹوئٹی میں ان سے کوئی خطرہ نہیں ہوتا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/08/215882/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/08/215882/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں