بھارتی کرکٹ ٹیم کے سابق کپتان ویرات کوہلی نے بھارتی میڈیا کی جانب سے جاری کردہ خبر کو جھوٹا قرار دیتے ہوئے افسوس کا اظہار کردیا۔

گزشتہ روز بھارتی میڈیا میں ویرات کوہلی اور ان کی اہلیہ و اداکارہ انوشکا شرما کے حوالے سے یہ خبریں گردش کر رہی تھیں کہ وہ بھارت کے شہر علی باغ میں اپنی 8 ایکڑ کی زمین پر گھر کی تعمیر سے قبل معائنے کیلئے گئے ہیں۔

اس خبر کے ساتھ دونوں فنکاروں کی تصاویر بھی جاری کی گئی تھیں، لیکن اسی دوران بھارتی نیوز ایجنسی ’دا ٹائمزآف انڈیا‘ پر یہ دعویٰ کیا گیا کہ ’ویرات کوہلی اور انوشکا شرما علی باغ میں اپنی ذاتی کرکٹ پچ بنا رہے ہیں۔

ویرات کوہلی نے اس خبر کا اسکرین شارٹ فوٹو اینڈ ویڈیو شئیرنگ ایپ انسٹاگرام پر بطور اسٹوری شئیر کیا اور اس کے ساتھ ایک پیغام بھی لکھا۔

ویرات نے اپنی اسٹوری میں لکھا کہ ’ بچپن سے جو اخبار پڑھا ہے، وہ بھی جھوٹی خبریں چھاپنے لگے اب‘ ۔

واضح رہے کہ ویرات کوہلی اور انوشکا شرما نے گزشتہ سال بھارت کی ریاست مہاراشترا کے شہر علی باغ میں 8 ایکڑ کے رقبے پر پھیلی ہوئی زمین خریدی تھی جس پر گھر کی تعمیر کیلئے اسٹار جوڑی کل علی باغ گئی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/08/255211/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/sports/2023/08/255211/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں