پاکستان کرکٹ بورڈ نے کھلاڑیوں کی صلاحیتوں اور کھیل کے لیے لگن کو دیکھتے ہوئے معاوضوں میں نمایاں اضافہ کرنے کی تیاری کرلی ہے۔

قومی کھلاڑیوں کے سینٹرل کنٹریکٹ کی مدت 30 جون کو ختم ہوگئی ہے لیکن اس  کے باوجود نئے معاہدوں کا اجراء نہیں ہوسکا ہے۔

نامور سینئر کھلاڑیوں نے کرکٹ بورڈ کو متعدد درخواستیں کی ہیں جس میں دیگر معاملات کے ساتھ معاوضوں میں اضافہ بھی شامل ہے جب کہ کھلاڑیوں کی درخواستوں پر کافی عرصے سے بات چیت جاری ہے۔

میڈیا رپورٹس کے مطابق متعدد کھلاڑیوں نے نئے معاہدوں پر اطمینان کا اظہار کیا ہے جب کہ مزید کھلاڑی بھی مستقبل قریب میں معاہدوں پر پہنچ جائیں گے۔

پاکستان کرکٹ بورڈ آئندہ ہفتے نئے معاہدوں کا اعلان کرنے والا ہے جب کہ مینجمنٹ کمیٹی کے چیئرمین ذکا اشرف نے حال ہی میں کرکٹ ٹیکنیکل کمیٹی کے ساتھ معاہدوں سے متعلق معاملات پر غور و خوض کیا ہے۔

رپورٹس کے مطابق یہ بات چیت اب منتقی انجام کو پہنچنے والی ہیں جب کہ نئے تعینات ہونے والے چیف سلیکٹر انضمام الحق نے بھی اس معاملے پر اپنے خیالات کا اظہار کیا ہے۔

رپورٹس ہیں کہ کئی کھلاڑیوں نے اپنی موجودہ کمائی سے بھی دگنی رقم قبول کرنے پر آمادگی ظاہر کی ہے جب کہ کچھ کھلاڑیوں کو مخصوص پہلوؤں کے حوالے سے راضی کرنے کی کوششیں جاری ہیں اور یہ توقع کی جارہی ہے کہ وہ بھی مقررہ وقت پر اکتفا کرلیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/08/315672/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/08/315672/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں