ایشین ہاکی چیمپئنز ٹرافی کے پہلے میچ میں ہی پاکستان کو ملائیشیا کے ہاتھوں شکست کا سامنا کرنا پڑا ہے۔

بھارت کے شہر چنئی میں پاکستان اور ملائیشیا کی ہاکی ٹیموں کے درمیان ایشین ہاکی چیمپئنز ٹرافی کا میچ کھیلا گیا جس میں پاکستان کو شکست ہوئی۔

ملائیشیا نے پاکستان کو 3 گول کے مقابلے میں 1 گول سے شکست دی ہے۔ پاکستان کی جانب سے واحد گول عبدالرحمان نے کیا۔

میچ کا پہلا کوارٹر بغیر کسی گول کے برابر رہا تاہم دوسرے کوارٹر کے 27 ویں منٹ میں ملائیشیا کے فرحان اشعری نے پہلا گول داغ دیا جب کہ دوسرے ہی منٹ میں انہوں نے ایک اور گول اسکور کردیا۔

اس طرح میچ پر ملائیشیا کی گرفتار مضبوط ہوگئی جب کہ تیسرا گول ملائیشیا نے 44 ویں منٹ میں اسکور کیا جو ملائیشیا کے کھلاڑی سلویرئس نے کیا۔

پاکستان ٹیم نے گول کرنے کی بھرپور کوشش کی اور پنالٹی اسٹروک بھی حاصل کیے لیکن سب ضائع رہے، میچ کے 55 ویں منٹ میں پاکستان کے عبدالرحمان نے واحد گول اسکور کیا۔

واضح رہے کہ ایشین ہاکی چیمپئنز ٹرافی میں پاکستان کا اگلا میچ کوریا کے خلاف ہوگا جو 4 اگست کو کھیلا جائے گا جب کہ تیسرا میچ جاپان، چوتھا چائنہ اور پانچواں میچ روایتی حریف بھارت کے خلاف ہوگا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/08/572436/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/08/572436/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں